पनवेलमध्ये मनसेने सॉस बनवणाऱ्या कंपनीवर धाड टाकली आहे. कामोठ्या मधिल कुमार फुड प्रोडक्ट्स कंपनीवर सदर प्रकार घडला असून रेड चिली सॉस आणि सोया सॉस बनवणाऱ्या खाद्य कंपनीत जाऊन घाणेरडे वास्तव मनसेने समोर आणले आहे. पनवेलमध्ये अत्यंत घाणेरड्या ठिकाणी रेड चिली सॉस आणि सोया सॉस बनवला जात असल्याचा धक्कादायक प्रकार समोर आला आहे. मनसेने टाकलेल्या धाडीत हा सर्व प्रकार समोर आला आहे. घाणेरड्या ठिकाणी सॉस तयार करुण ग्राहकांच्या जिवाशी खेळ सुरु आहे. सदर घटनेबाबत मनसेने अन्न आणि औषध प्रशासनाकडे तक्रार केली आहे. कंपनीवर तात्काळ कारवाई करण्याची मनसेने मागणी केली आहे.