उदयपूर ते आग्रा दरम्यान सुरू करण्यात आलेल्या वंदे भारत ट्रेन चालवण्यावरून लोको पायलट आपापसात भिडले असल्याचा एक व्हिडिओ सोशल मिडियावर व्हायरल होत आहे. २ सप्टेंबर रोजी सुरू झालेली ही ट्रेन आता वादाच्या भोवऱ्यात सापडली आहे. या राड्याची सुरुवात आधी वादावादीने झाली आणि पुढे काही वेळातच हाणामारी सुरू झाल्याचे या व्हिडिओमध्ये दिसत आहे. कर्मचाऱ्यांमधील या हाणामारीत मालमत्तेचे नुकसान झाले असून एक कर्मचारी जखमी झाला आहे.

हा वाद कोटा आणि आग्रा रेल्वे विभागातील कर्मचाऱ्यांमध्ये झाला होता. वंदे भारत ट्रेन चालवण्यावरून लोको पायलट आपापसात भिडले. सुरुवात आधी वादावादीने झाली आणि पुढे काही वेळातच हाणामारी झाली. ट्रेनचे लोके पायलट भिडले आणि गार्डवर हल्ला करण्यात आला. याशिवाय संतप्त कर्मचाऱ्यांनी गार्ड रूमच्या दरवाजाचे कुलूप तोडून केबिनची काच फोडली. हा वाद वाढल्यानंतर आता ही बाब रेल्वे बोर्डाच्या निदर्शनास आणून देण्यात आली आहे. पश्चिम मध्य रेल्वे, उत्तर पश्चिम रेल्वे आणि उत्तर रेल्वे या रेल्वेच्या कामकाजात गुंतलेल्या विविध रेल्वे विभागांमधील संघर्षामुळे सेवेच्या सुरळीत कामकाजावर परिणाम होत असल्याचे दिसते आहे.