चिकन शॉर्मा आवडीने खाताय? मग वेळीच सावध व्हा...कारण हा पदार्थ तुमच्यासाठीही जीवघेणा ठरू शकतो. खराब झालेल्या चिकनपासून बनवलेला शॉर्मा खाल्ल्याने एका मुलाचा मृत्यू झालाय. ही धक्कादायक घटना मुंबईतील मानखुर्द इथं घडलीये. या प्रकरणी पोलिसांनी दुकानदारांना अटक केलीये. आनंद कांबळे आणि मोहम्मद शेख अशा या दोन आरोपींची नावं आहेत. तर शॉर्मा खाऊन मृत्यू झालेल्या मुलाचं नाव प्रथमेश भोकसे आहे. पोलिसांनी दिलेल्या माहितीनुसार, या ठिकाणी मोठ्या प्रमाणात इलीगल खाद्य पदार्थांचे स्टॉल आहेत. परवानगी नसतांना देखील इथं खाद्य पदार्थांची विक्री केली जाते. हा चिकन शॉर्मा खालल्यामुळे प्रथमेशला विषबाधा झाली. त्याला अचानक उलटी आणि पोटदुखीचा त्रास सुरू झाला. पण केईएम हॉस्पिटलमध्ये उपचार घेताना त्याचा जीव गेला. त्यामुळे आता रस्त्यावर मिळणाऱ्या निकृष्ट दर्जाच्या खाद्य पदार्थांच्या विक्रीचा प्रश्न ऐरणीवर आलाय.