देशात मान्सून आला असून राज्यात कधीही पाऊस पडू शकतो. असे असले तरी लाखो मुंबईकरांना पुराचा धोका आहे. मुंबईत १०० ठिकाणी पाणी तुंबेल असा अंदाज व्यक्त केला जात आहे. ज्या भागात पाणी साचेल त्या ठिकाणच्या २५० मीटर परिसरात हे मुंबईकर राहतात. मुंबईतील ४५ लाख नागरिकांना हा पुराचा धोका आहे. यासाठी पालकेने काही उपाययोजना केल्या आहेत. मिलन सब वे, प्रमोत महाजन गार्डन, हिंदमाता इथे भुमिगत पाण्याच्या टाक्या बसवण्यात आल्या आहेत. तसेच पूरप्रवण भागातील नागरिकांना इतर ठिकाणी हलवण्याचेही काम सुरू आहे.