घाटकोपर होर्डिंग दुर्घटनेत २१ वर्षीय तरुणाचा मृत्यू झाला आहे. भरत राठोड असे या तरुणाचे नाव आहे. भरत पेट्रोल भरण्यासाठी या पेट्रोल पंपावर आला होता. तेव्हा हे होर्डिंग कोसळले आणि यात भरतचा मृत्यू झाला. भरत हा घरात एकुलता एक कमावणारा मुलगा होता. त्याच्या जाण्याने राठोड कुटुंबावर दुःखाचा डोंगर कोसळला आहे. या अपघातात आतापर्यंत १४ जणांचा मृ्त्यू झाला आहे. काल संध्याकाळी मुख्यमंत्री एकनाथ शिंदे आणि उपमु्ख्यमंत्री देवेंद्र फडणवीस यांनी घटनास्थळी भेट दिली आणि परिस्थितीचा आढावा घेतला.