बीडच्या नाळवंडी गावाला जोडणाऱ्या रस्त्याच्या मागणीसाठी ग्रामस्थांकडून आंदोलन सुरु आहे. परंतु अनेक वेळा आंदोलनं करूनही न्याय मिळतं नसल्याने, ग्रामस्थ आणि आंदोलकांनी चक्क पालकमंत्री धनंजय मुंडे यांचे पाय धरुन विनंती केली आहे. यावेळी नाटकं करू नका, असं म्हणत गावकऱ्यांना मुंडेंनी झापलं. तसेच तुमची पार्टी तर इंडिया आघाडी सोबत होती, असं देखील म्हणत असल्याचा व्हिडिओ सोशल मीडियावर व्हायरल होत आहे. याआधी देखील रस्त्याच्या मागणीसाठी खासदार बजरंग सोनावणे यांना ग्रामस्थांकडून निवेदन देण्यात आलं होतं. त्यावेळी खारदार फंड हा पत्रावळी वाटल्यासारखा रस्त्याला द्यायचा का? असा सवाल बजरंग सोनावणे यांनी विचारला होता.