काही दिवसांपूर्वी मुसळधार पावसाचा तडाखा आणि पूरस्थितीचा सामना करणाऱ्या चीनला भूकंपाने हादरवलंय. दक्षिण चीनमध्ये सोमवारी ५.२ तीव्रतेचा शक्तीशाली भूंकप झाला. यात २ जणांचा मृत्यू झाला. तर लिवझो शहरातील १३ इमारती पत्त्याच्या बंगल्याप्रमाणे कोसळल्या.

मुसळधार पाऊस, वादळ आणि त्यानंतर आता भूकंप असा तिहेरी तडाखा चीनला बसला आहे. दक्षिण चीनच्या ग्वांग्शी प्रदेशातील लिवझो शहरात सोमवारी पहाटे ५.२ रिश्टर स्केल तीव्रतेचा भूकंप झाला. भूकंपाच्या हादऱ्यांमुळं १३ इमारती कोसळल्या. तसेच दोघांचा मृत्यू झाला, एक जण बेपत्ता असल्याची माहिती आहे. हजारो नागरिकांना सुरक्षितस्थळी नेण्यात आले आहे. बाधित भागात मदत आणि बचावकार्य हाती घेण्यात आले.