अकरावीच्या विद्यार्थ्यांसाठी महत्त्वाची बातमी आहे. आता अकरावीच्या ऑनलाइन प्रवेशासाठी मुदतवाढ देण्यात आली आहे. तुम्ही आता ५ जूनपर्यंत अर्ज करु शकणार आहात. यामुळे अकरावीच्या विद्यार्थ्यांना ५ तारखेला २ वाजेपर्यंत फॉर्म भरता येणार आहे.इनहाउस कोट्याअंतर्गत खाजगी संस्थेच्या महाविद्यालयांमध्ये १० टक्के जागा आरक्षित करण्यात आल्या आहेत.त्यामुळे इनहाउस कोट्याअंतर्गत फॉर्ममध्ये बदल करण्यासाठी पालकांना आणि विद्यार्थ्यांना वेळ मिळावा, यासाठी हा निर्णय घेण्यात आला आहे. शिक्षण संचालनालयाने हा निर्णय घेण्यात आला आहे.

अकरावीच्या ऑनलाइन प्रवेशासाठी विद्यार्थ्यांना अनेक अडचणी येत होत्या. अनेक वेबसाइट क्रॅश झाल्याने किंवा तांत्रिक बिघाड येत होते. त्यामुळे विद्यार्थ्यांना फॉर्म भरता येत नव्हते. परंतु आता मुदतवाढ झाल्याने विद्यार्थ्यांना दिलासा मिळाला आहे. विद्यार्थी ५ जूनपर्यंत फॉर्म भरु शकणार आहेत.