आषाढी वारीसाठी पंढरपूर शहर आणि परिसरात तब्बल दहा दिवस मांस विक्रीला बंदी घालण्यात आली आहे. आषाढी एकादशीच्या अगोदर सात दिवस आणि नंतर तीन दिवस असे दहा दिवस मांस विक्री बंद ठेवण्याचा मोठा निर्णय पालकमंत्री जयकुमार यांनी घेतला आहे. त्यामुळे गेल्या अनेक वर्षापासून वारकरी संप्रदायाची पंढरपूरच्या वारीत मांस विक्री बंद ठेवण्याची मागणी पालकमंत्री जयकुमार गोरे यांनी पूर्ण करून तसे आदेश प्रशासनामार्फत पारित करण्याच्या सूचना दिल्या आहेत. या निर्णयाचे भाविकांमधून स्वागत केले जात आहे.