भारतीय क्रिकेट संघाचा माजी दिग्गज स्फोटक फलंदाज युवराज सिंग Yuvraj Singh याने अचानक मोठी घोषणा करून चाहत्यांना आश्चर्याचा धक्का दिला आहे. त्यांच्या या घोषणेने अनेकांना आश्चर्याचा धक्का बसला आहे. क्रिकेटच्या मैदानात त्याच्या पुनरागमनाची अनेक दिवसांपासून चर्चा होती. क्रिकेटमधून निवृत्ती घेतल्यानंतर सिक्सर किंग म्हणून ओळखला जाणारा युवराज सिंग यानं एक निर्णय घेतला आहे. आपण पुन्हा एकदा मैदानात उतरणार असल्याची घोषणा त्यानं इन्स्टाग्रामवरील पोस्टद्वारे केली. "देवचं तुमचं नशिब ठरवतो" असं म्हणत त्यांनं एक व्हिडीओही पोस्ट केला आहे. आपण पुन्हा कधी मैदानात दिसू हे देखील त्यानं यातून सांगितलं आहे.

काय आहे युवराजची पोस्ट?

य़ुवराजनं इन्स्टावर Instagram एक व्हिडिओ पोस्ट केला आहे. यामध्ये त्याने केलेल्या काही खेळींचा माहिती आहे. तसेच या व्हिडिओसाठी एक डिस्क्रिप्शनही त्याने दिलं आहे. यामध्ये तो म्हणतो आहे, देवच तुमचं नशिब ठरवतो. चाहत्यांच्या प्रेमाखातर मी फेब्रुवारीमध्ये पुन्हा एकदा पिचवर उतरेल. अशी आशा आहे. या भावनेसारखं दुसरं काहीही नाही. तुमच्या प्रेमाबद्दल आणि शुभेच्छांबद्दल मनापासून धन्यवाद. माझ्यासाठी या शुभेच्छा ही खूप मोठी बाब आहे. पाठिंबा देत रहा. ही आमची टीम आहे आणि खरा चाहता या कठीण काळात त्याचा पाठिंबा दाखवेल.

Edited By-Sanika Gade