क्रिकेटच्या मैदानावर चौकार षटकांराचा पाऊस पाहायला मिळत असतो. आपल्या आवडत्या खेळाडूला सपोर्ट करण्यासाठी प्रेक्षकही मैदानात येऊस दिलखुलास सपोर्ट करत असतात. लेदर बॉल क्रिकेटसह टेनिस बॉल क्रिकेटची क्रेझही दिवसेंदिवस वाढत चालली आहे.

देशासह राज्यातही अनेक टेनिस क्रिकेट स्पर्धांचे आयोजन केले जाते. यी स्पर्धांमध्ये विजेत्या संघांना लाखोचे बक्षीस दिले जाते. अशीच काहीशी स्पर्धा ठाणे जिल्ह्यातील कोनगावमध्ये पार पडली. या स्पर्धेतील काही व्हिडिओ सोशल मीडियावर तुफान व्हायरल होत आहेत.

लहान मुलाचा मैदानात येऊन भन्नाट डान्स

डे- नाईट क्रिकेटचे सामने पाहण्यासाठी तरुणांसह लहान मुलेही मैदानात येत असतात. फलंदाजाने चौकार मारल्यानंतर एका लहान मुलाने थेट मैदानात एन्ट्री केली आणि आनंद साजरा करत भन्नाट डान्स केला.

त्याचा डान्स पाहून असंच दिसतंय, ही मजा पैशांनी विकत घेता येत नाही. आपला आवडता खेळाडू मैदानात खेळतोय, त्याने संघासाठी चौकार मारला. मग जल्लोष तर करायलाच हवा ना. जल्लोष करण्यासाठी हा लहान फॅन मैदानात आला आणि डान्स करु लागला. त्याचा हा व्हिडिओ सोशल मीडियावर तुफान व्हायरल होतोय.

हा व्हिडिओ rutik_khasase_10 या इंस्टाग्राम अकाऊंटवरुन शेअर करण्यात आला आहे. हा व्हिडिओ तुफान व्हायरल झाला असून, नेटकरी लाईक्स आणि कमेंट्सचा पाऊस पाडताना दिसून येत आहेत.

हा आनंद पैशाने विकत घेता येत नाही, त्यासाठी मैदानात यावं लागतं, असं एका फॅनने म्हटलं आहे. तर आणखी एका युझरने एकच नंबर अशी कमेंट केली आहे.

याच स्पर्धेतील आणखी एक व्हिडिओ सोशल मीडियावर तुफान व्हायरल होतोय, ज्यात एक फॅन मैदानात येतो आणि चौकार- षटकार मारणाऱ्या फॅनच्या अंगावर पैशांचा पाऊस पाडतो. हे दोन्ही व्हिडिओ सध्या सोशल मीडियावर ट्रेन्डिंगला आहेत.