भारतीय संघाने टी-२० वर्ल्डकप स्पर्धेतील साखळी फेरीत ३ सामने जिंकून सुपर ८ मध्ये प्रवेश केला आहे. मात्र या तिन्ही सामन्यांमध्ये विराटला हवी तशी कामगिरी करता आलेली नाही. विराटने ३ सामन्यांमध्ये अवघ्या ५ धावा केल्या आहेत.

विराट कोहलीचा नॉक आऊटमधील रेकॉर्ड पाहिला, तर त्याने ४ सामन्यांमध्ये १४४ च्या शानदार सरासरीने २८८ धावा केल्या आहेत.

विराट हा नॉकआऊटमध्ये सर्वाधिक धावा करणारे फलंदाज आहे. आतापर्यंत केवळ दोन फलंदाज आहेत. ज्यांनी टी-२० वर्ल्डकपच्या नॉकआऊट्समध्ये २०० पेक्षा अधिक धावा केल्या आहेत.

विराट कोहलीने नॉकआऊटमध्ये ४ अर्धशतकी खेळ्या केल्या आहेत. यादरम्यान नाबाद ८९ धावा ही त्याची सर्वोत्तम खेळी आहे. त्याने वेस्टइंडिजविरुद्ध खेळताना ही खेळी केली होती.

विराटनंतर वेस्टइंडिजचा माजी फलंदाज मार्लोन सॅम्युयल्स या यादीत दुसऱ्या स्थानी आहे. त्याने २०० पेक्षा अधिक धावा केल्या आहेत.

मार्लोन सॅम्युयल्सने टी-२० वर्ल्डकप स्पर्धेतील नॉकआऊट सामन्यांमध्ये २१५ धावा केल्या आहेत. यादरम्यान त्याने २ अर्धशतकं झळकावली आहेत.

इंग्लंडचा आक्रमक फलंदाज जोस बटलर या यादीत तिसऱ्या स्थानी आहे. त्याने देखील टी-२० वर्ल्डकप स्पर्धेतील नॉकआऊटमध्ये २०० पेक्षा अधिक धावा केल्या आहेत.

जोस बटलरबद्दल बोलायचं झालं, तर त्याने ५ सामन्यांमध्ये २०३ धावा केल्या आहेत.