Ind Vs SL ODI Series: भारतीय क्रिकेट संघाचा धडाकेबाज खेळाडू विराट कोहली त्याच्या फलंदाजीसाठी तर प्रसिद्ध आहेच, त्याचसोबत विराट त्याच्या मस्तीमुळेही अनेकदा चर्चेत येत असतो. विराट अनेकदा मैदानावर सहकाऱ्यांशी मस्ती करताना दिसत असतो. सध्या सोशल मीडियावर असाच एक डान्स व्हिडिओ तुफान व्हायरल होत आहे. ज्यामध्ये विराट आणि ईशान किशनचा धमाकेदार डान्स पाहायला मिळत आहे.

हा व्हिडिओ भारत आणि श्रीलंका सामन्यादरम्यान चा असून नेटकऱ्यांनी त्यावर जोरदार प्रतिक्रिया दिल्या आहेत. (Viral Video)

भारत आणि श्रीलंका यांच्यातील दुसरा वनडे सामना कोलकात्तामध्ये पार पडला. ईडन गार्डन मैदानावर झालेल्या या सामन्यात भारतीय संघाने श्रीलंकेवर चार विकेट्सने विजय मिळवला. या विजयासोबतच भारतीय संघाने ही मालिका २-० ने अशी विजयी आघाडीही घेतली आहे. या सामन्यानंतर ईशान किशन आणि विराट कोहली यांनी धमाकेदार डान्स केला.

व्हिडिओमध्ये ईशान किशन आणि विराटच्या या जोरदार डान्सवर प्रेक्षकही भरभरुन प्रतिसाद देताना दिसत आहेत. त्यांच्या या मस्तीच्या व्हिडिओवर नेटकऱ्यांनीही जोरदार प्रतिक्रिया दिल्या आहेत.

दरम्यान, गुवाहाटीच्या पहिल्या वनडे सामन्यात शतकी खेळी केली होती. चार वर्षानंतर त्याचं भारतातील हे पहिलं शतक आहे. दुसऱ्या सामन्यात विराट काही खास करु शकला नाही. तो चार रन्सवर बाद झाला. इशान किशनला अजूनपर्यंत दोन्ही मॅचमध्ये संधी मिळालेली नाही. ईशानने बांग्लादेश विरुद्ध शेवटच्या वनडे मॅचमध्ये डबल सेंच्युरी झळकवली होती. (ODI Siries)