Umpire Dance Viral Video: क्रिकेटच्या मैदानावर नेहमीच काहीतरी वेगळं घडत असतं . त्यामुळे कुठला व्हिडीओ कधी व्हायरल होईल याचा काहीच नेम नसतो. क्रिकेटच्या मैदानावरील असंख्य व्हिडीओ सोशल मीडियावर व्हायरल होत असतात. असा एक भन्नाट डान्सचा व्हिडीओ सध्या नेटकऱ्यांचे लक्ष वेधून घेत आहे. (Latest sports updates)

तुम्ही अंपायरला अंपायरिंग करताना पाहिलं असेल. अंपायरिंग करताना वेगवेगळ्या प्रकारचे हातवारे करताना पाहिलं असेल. मात्र सामना सुरु असताना कधी अंपायरला डान्स करताना पाहिलंय का? क्वचितच पाहिलं असेल.

मात्र सध्या एक व्हिडीओ सोशल मीडियावर धुमाकूळ घालतोय. ज्यात अंपायर मंत्रमुग्ध होऊन डान्स करताना दिसून येत आहे.

व्हायरल होत असलेला व्हिडीओ हा एका लोकल टेनिस क्रिकेट टूर्नामेंटचा आहे. या स्पर्धेत सामना सुरु असताना चंद्रा हे गाणं वाजवलं जातं . त्यावेळी अंपायर कसलाही विचार न करता या गाण्यावर डान्स करायला सुरुवात करतो. हा व्हिडीओ सध्या सोशल मीडियावर प्रचंड व्हायरल होत आहे.