पणजी : वास्को पोलिसांनी आयपीएल क्रिकेट सामन्यांवरील सट्टेबाजी betting रॅकेटचा पर्दाफाश केला आहे. न्यु वाडे येथे टाकलेल्या छाप्यात सहा जणांना अटक करण्यात आली आहे. गुरुवारी मध्यरात्री पाेलिसांनी सुशीला सी विन्ड्स नावाच्या एका फ्लॅटवर छापा टाकला असता तेथे आयपीएल क्रिकेट सामन्यांवर सट्टा लावला जात असल्याचे आढळले. vasco-police-busted-racket-ipl-2021-nagpur-rajashtan-goa-crime-news-sml80

या सट्टेबाजीत सहभागी असलेल्या आंतरराज्य सट्टेबाज रॅकेटचा पाेलिसांनी पर्दाफाश केला आहे. पाच लाेक हे नागपूरचे आणि एक राजस्थान येथील आहे. या सहा जणांना अटक करण्यात आली आहे. या छाप्यात दाेन लॅपटॉप, मोबाईल, फोन कॉल प्राप्त करण्यासाठी मोबाईल फोनशी जोडलेले दोन सुधारित उपकरण, एक टीव्ही आणि काही लेखी साहित्य जप्त करण्यात आले आहे.

ही टोळी येथे १९ सप्टेंबरपासून कार्यरत होती. त्यांच्याकडून पैसे अथवा वस्तूंचे आधान प्रदान केले जात असे. वास्को येथील एक व्यक्ती या टोळीशी संबंधित आहे. त्यालाही लवकरच अटक केली जाईल असा विश्वास पाेलिस सूत्रांनी दिला.

edited by : siddharth latkar