U19W T20 World Cup : शेफाली शर्माच्या नेतृत्वाखाली टीम इंडियाने अंडर-१९ महिला विश्व चषकावर नाव कोरलं. पहिला अंडर-१९ महिला विश्व चषक जिंकून नवा इतिहास रचला. या विश्व चषकात सलामीवीर फलंदाज श्वेता सहरावतने सर्वाधिक धावा कुटल्या. श्वेताने ७ सामन्यात ९९.०० च्या सरासरी आणि १३९ स्ट्राइक रेटने २९७ धावा कुटल्या. मात्र, या विश्वचषकात इंग्लंडची कर्णधार ग्रेस स्क्रिव्हन्सने बाजी मारत 'प्लेअर ऑफ द सीरीज'चा किताब मिळवला. (Latest Marathi News)

विश्वचषकात स्क्रिव्हन्सने सातत्याने चांगलं प्रदर्शन केलं. ग्रेसने ७ सामन्यात ४१.८५ सरासरी आणि १२९.०७ च्या स्ट्राइक रेटने २९३ धावा कुटल्या. ग्रेसने दुसऱ्या क्रमांकांच स्थान कायम ठेवलं. तर ग्रेसने गोलंदाजी देखील चांगली केली. ग्रेसने ९ गडी बाद केले. ग्रेस सर्वाधिक गडी बाद करणाऱ्या गोलंदाजांमध्ये पाचव्या स्थानावर होती.

'प्लेअर ऑफ द सीरीज'चा किताब जिंकल्यानंतर ग्रेस स्क्रिव्हन्स जिंकल्यानंतर आनंदात दिसली. ग्रेस म्हणाली, 'मी खूप आनंदी आहे. मी कधीही परदेशात खेळली नव्हती. माझा हा अनुभव खूप चांगला होता. आम्हाला अनेक वेगवेगळ्या आव्हानातून जावं लागलं. आम्ही खूप सराव केला'.

'आमची फलंदाजी निराशाजनक ठरली. आम्ही विश्वचषकात गोलंदाजांच्या भेदक माऱ्याला चोख प्रत्युत्तर दिलं. परंतु आमचे प्रयत्न अयशस्वी ठरले. क्रिकेट (Cricket) चाहत्यांकडून पाठिंबा मिळाला. त्यामुळे आनंदी आहे', ग्रेस पुढे म्हणाली.

दरम्यान, अंतिम सामन्यात भारतीय संघाकडून (Team India) फलंदाजी, क्षेत्ररक्षण आणि उत्कृष्ट गोलंदाजी पाहायला मिळाली. तितस दास साधूने ४ षटकांत ६ धावा देत २ बळी घेतले. याशिवाय अर्चना देवीने २ आणि पार्श्वी चोप्राने २ बळी घेतले.

सोमन यादव, मन्नत कश्यप आणि कर्णधार शफाली वर्मा यांनी १-१ विकेट घेतली. साधूला तिच्या उत्कृष्ट गोलंदाजीसाठी ‘सामनावीर’ म्हणून गौरविण्यात आले.