सोशल मीडियावर टीम इंडियाचा स्टार खेळाडू विराट कोहली चांगलाच चर्चेत असतो. बरेचदा विराट सोशल मीडियावर कमर्शियल पोस्ट करत असतो. मात्र आज सकाळी विराटने सलग ३ ट्विट केले आहे. या ट्विटमध्ये विराटने केवळ एकच शब्द लिहिला आहे. विराट कोहलीच्या या सोशल मिडिया पोस्टमुळे चाहते मात्र पुरते गोंधळले आहेत.

उद्यापासून बांगलादेश विरूद्ध भारत यांच्यामध्ये २ सामन्यांच्या टेस्ट सिरीजला सुरुवात होणार आहे. यावेळी पहिला टेस्ट सामना चेन्नईमध्ये रंगणार आहे. दरम्यान या सामन्यापूर्वी विराट कोहलीने केलेल्या सोशल मिडिया पोस्टमुळे चाहते हैराण झाले आहे. हे प्रकरण नेमकं काय आहे, हे सोडवण्यात चाहते लागले आहेत.

विराट कोहलीने सोशल मीडियावर काय पोस्ट केलंय?

विराटने हे तीन ट्विट कोणत्या मुद्द्यावरून आणि का केले हे चाहत्यांना समजू शकलेलं नाही. काही चाहत्यांनी विराटने सकाळीच असे ट्विट केल्याने सगळं काही ओके आहे ना, असा सवाल केला आहे. विराट कोहलीने एका पाठोपाठ एका ट्विटमध्ये Kindness (दयाळूपणा), Chivalry, Respect (सन्मान) असं शब्द लिहिले आहेत. दरम्यान या शब्दांव्यतिरीक्त विराटने अजून काहीही पोस्ट केलेलं नाही. त्यामुळे यामागे नेमकं काय आहे, याचा अर्थ लावण्यात चाहते व्यस्त आहेत.

कसा आहे विराटचा टेस्ट रेकॉर्ड?

विराट कोहलीने भारतासाठी आतापर्यंत 113 टेस्ट सामने खेळले आहे. यावेळी विराटने 49.15 च्या सरासरीने 8848 रन्स केलेत. विराट कोहलीच्या नावावर टेस्ट क्रिकेटमध्ये एकूण 29 शतकांची नोंद आहे. तर उद्यापासून बांगलादेशाविरूद्ध होणाऱ्या पहिल्या टेस्ट सामन्यात विराट कोहली मैदानात उतणार आहे.

विराट-गंभीरच्या मुलाखतीचा व्हिडीओ

नुकतंच बीसीसीआयने एक व्हिडीओ शेअर केला आहे. या व्हिडीओमध्ये विराट कोहली टीम इंडियाचा हेड कोच गौतम गंभीरची मुलाखत घेतोय. विराट आणि गंभीर या दोन्ही दिल्लीच्या खेळाडूंमध्ये वाद असल्याचं सर्वांना माहितीये. दरम्यान या मुलाखतीत दोघांनीही वादाबाबत भाष्य केलं आहे.