टी-२० वर्ल्ड कपमधील दक्षिण आफ्रिका आणि अफगाणिस्तान यांच्यातील सामना खूपच रोमांचक ठरला. या सामन्याने अनेक क्रिकेट चाहत्यांची धकधक वाढवली. प्रथम फलंदाजी करताना दक्षिण आफ्रिकेच्या संघाने १८७ धावा केल्या. या आव्हानाचा पाठलाग करताना अफगाणिस्तानच्या संघाला २० षटकात १८७ धावाच करता आल्या. त्यामुळे सामना सुपर ओव्हरमध्ये गेला. पण त्याचही दोन्ही संघांनी बरोबरी केली. त्यामुळे हा सामना पुन्हा सुपर ओव्हरमध्ये गेला. त्यामुळे सामना रोमांचकारी बनला.

२ सुपर ओव्हरमुळे चाहत्यांची धकधक वाढली

पहिल्या सुपर ओव्हरमध्ये अफगाणिस्तानने प्रथम फलंदाजी करत १७ धावा केल्या होत्या. त्या आव्हानाचा दक्षिण आफ्रिकेनंही १७ धावा केल्या. त्यामुळे हा सामना पुन्हा अनिर्णित राहिला. तर दुसऱ्या सुपर ओव्हरमध्ये दक्षिण आफ्रिकेने फलंदाजी केली. यात आफ्रिकेच्या संघाने २३ धावा केल्या. या २४ धावांचा पाठलाग करताना अफगाणिस्तानचा संघ १९ धावा करू शकला. अखेरच्या चेंडूवर अफगाणिस्तानचा फलंदाज गुरबाज बाद झाल्याने दक्षिण आफ्रिकेनं ऐतिहासिक विजय मिळवला.

गुरबाजची विक्रमी खेळी

रहमानउल्लाह गुरबाजने टी-२० वर्ल्डकपमधील त्याची सर्वात मोठी खेळी खेळली, त्याने ४२ चेंडूत ८४ धावा केल्या. २०० च्या स्ट्राइक रेटनं फलंदाजी करत त्याने आपल्या खेळीत ७ षटकार मारले. रहमानुल्लाह बाद झाल्यानंतर रशिद खान आणि अजमतुल्लाह जजईनेही शानदार फलंदाजी केली. २० व्या षटकाच्या शेवटच्या दोन चेंडू आधी अफगाणिस्तानच्या संघाने दक्षिण आफ्रिकेच्या धावसंख्येची बरोबरी केली होती.

डी कॉक आणि रिकेल्टन यांच्या खेळाच्या जोरावर दक्षिण आफ्रिकेने १८७ धावा केल्या.प्रथम फलंदाजी करताना दक्षिण आफ्रिकेने २० षटकांत १८७ धावा केल्या. यात दोन फलंदाज क्विंटन डी कॉक आणि रायन रिकेल्टन यांनी महत्त्वाची भूमिका बजावली. दोघांनीही आपले अर्धशतक पूर्ण केले. डी कॉकने ४१ चेंडूत ५९ धावा केल्या, तर रायन रिकेल्टनने केवळ २८ चेंडूत २१७ पेक्षा जास्त स्ट्राईक रेटने ६१ धावा केल्या.