Sanju Samson : बीसीसीआयने आयसीसी चॅम्पियन्स ट्रॉफी २०२५ साठी भारतीय संघाची घोषणा केली. रोहित शर्माकडे भारतीय संघाच्या कर्णधारपदाची जबाबदारी सोपवण्यात आली आहे. चॅम्पियन्स ट्रॉफीसाठीच्या भारतीय संघात काही खेळाडूंनी संघात कमबॅक केले आहे. तर काही खेळाडूंना डच्चू मिळाला आहे. डच्चू मिळालेल्या खेळाडूंमध्ये संजू सॅमसनही आहे. संघात संधी न मिळाल्याने त्याचे चाहते निराश झाले आहेत.

बीसीसीआयने चॅम्पियन्स ट्रॉफीसाठी संघामध्ये रिषभ पंत आणि के एल राहुल अशा दोन विकेटकिपर बॅट्समॅनची निवड केली आहे. या दोन खेळाडूंमुळे संजूला संघातून वगळण्यात आले असे म्हटले जात आहे. चॅम्पियन्स ट्रॉफीमध्ये मुख्य विकेटकिपर म्हणून के एल राहुलला पहिली पसंती देण्यात आली होती. तर राहुलनंतर यष्टिरक्षणासाठी रिषभ पंत योग्य आहे असल्याचा मानस बीसीसीआयचा आहे, असे म्हटले जात आहे. तरीही संजूला संघात संधी का मिळाली नाही हे याचे खरं कारण समोर आलेले नाही.

दरम्यान संजू सॅमसन दुसऱ्या एका कारणामुळेही चर्चेत होता. संजू केरळकडून देशांतर्गत क्रिकेट खेळतो. सध्या सुरु असलेल्या विजय हजारे ट्रॉफीमध्ये त्याने सहभाग घेतला नव्हता. त्याच्या या निर्णयामुळे गदारोळ माजला होता. विजय हजारे ट्रॉफीमध्ये न खेळल्यामुळे भारतीय संघात संजूची निवड झाली नाही असे चर्चा सुरु आहे.

संजू सॅमसनला चॅम्पियन्स ट्रॉफीसाठी निवड न झाल्याने त्याच्या चाहत्यांनी नाराजी व्यक्त केली आहे. महत्त्वपूर्ण स्पर्धांमध्ये संजूला संधी दिली जात नाही असे काहींनी म्हटले आहे. तर काही चाहत्यांनी सॅमसनवर बीसीसीआय नेहमी अन्याय करते असे म्हटले आहे.

कसा आहेत भारतीय संघ?

रोहित शर्मा (कर्णधार), विराट कोहली, रिषभ पंत, श्रेयस अय्यर, हार्दिक पंड्या, जसप्रीत बुमराह, मोहम्मद शमी, शुबमन गिल (उपकर्णधार), यशस्वी जयस्वाल, अक्षर पटेल, केएल राहुल, वॉशिंग्टन सुंदर, कुलदीप यादव, अर्शदीप सिंग, रविंद्र जडेजा