Suryakumar Yadav:भारतीय संघाचा आक्रमक फलंदाज सूर्यकुमार यादव हा आयसीसीच्या टी-२० फलंदाजांच्या यादीत अव्वल स्थानी आहे. नुकताच ऑस्ट्रेलिया विरुद्ध सुरु असलेल्या कसोटी मालिकेतील पहिल्या सामन्यात त्याला पदार्पण करण्याची संधी दिली गेली होती.

मात्र त्याला हवी तशी कामगिरी करता आली नव्हती. त्याची ही कामगिरी पाहता, पाकिस्तान संघाचा माजी फलंदाज सलमान बट्टने मोठे वक्तव्य केले आहे.

सलमान बट्टचे म्हणणे आहे की, कसोटी क्रिकेटमध्ये टी-२० स्टाईल फलंदाजी करून काही होणार आहे. तसेच त्याने सूर्यकुमार यादवला सल्ला देत म्हटले की, सूर्यकुमार यादलवा जर यशस्वी व्हायचं असेल तर त्याला कसोटी क्रिकेट हा कसोटी क्रिकेटप्रमाणेच खेळावं लागेल. त्याला टी-२० स्टाईल फलंदाजी विसरावी लागेल. (Latest Sports Updates)

सूर्यकुमार यादवला नागपूर कसोटीत पदार्पण करण्याची संधी मिळाली होती. त्याला रवी शास्त्री यांनी पदार्पणाची कॅप दिली होती. मात्र या सामन्यात तो स्वस्तात बाद होऊन माघारी परतला होता. टी-२० क्रिकेटमध्ये अनेक मोठ मोठे विक्रम आपल्या नावावर करणारा सूर्यकुमार यादव आपल्या पहिल्या कसोटी सामन्यात फ्लॉप ठरला.

पाकिस्तानचा माजी क्रिकेटपटू सलमान बट्ट याने आपल्या यूट्यूब चॅनेलवर बोलताना म्हटले की, 'असं कितीवेळा घडलं आहे की, एखाद्या फलंदाजाने एकाच सेशनमध्ये संपूर्ण सामना बदलून टाकला. गोलंदाजासाठी हे सोपं आहे कारण तो एकाच सेशनमध्ये ३-४ विकेट्स घेऊन सामना बदलू शकतो. मात्र फलंदाजाला वेळ लागतो. खूप कमी फलंदाज आहेत जे हा कारनामा करू शकतात. कारण कसोटी क्रिकेट हे वनडे आणि टी-२० क्रिकेटपेक्षा वेगळं आहे.'

तसेच तो पुढे म्हणाला की, 'सूर्यकुमार यादवकडे ते कौशल्य आहे. त्याला टी-२० स्टाईल फलंदाजी करण्याची काहीच आवश्यकता नाहीये. त्याला फक्त खेळपट्ट्टीवर वेळ घालवायचा आहे. भारतात पाकिस्तान सारखी सपाट खेळपट्टी नाहीये.'