पॅरालिम्पिकमध्ये भारताचं आणखी एक मेडल निश्चित झालं आहे. रुबिना फ्रान्सिसने 10 मीटर एअर पिस्टमध्ये फायनलमध्ये धडक दिली आहे. सायंकाळी ६.१५ वाजता हा फायनल सामना होणार असून आजच पदकावर शिक्कामोर्तब होण्याची शक्यता आहे.

रुबिना फ्रान्सिस ही एक निपुण भारतीय पॅरा-शूटर आहे. तिने नेमबाजीत विशेषतः पॅरा-शूटिंग प्रकारात महत्त्वपूर्ण योगदान दिले आहे. रुबिनाने पॅरा ऑलिम्पिकसह विविध राष्ट्रीय आणि आंतरराष्ट्रीय स्पर्धांमध्ये भारताचं प्रतिनिधित्व केले आहे. 2021 मधील पॅरा नेमबाजी विश्वचषक स्पर्धेत महिलांच्या 10 मीटर एअर पिस्तूल SH1 स्पर्धेत तिने जागतिक विक्रम प्रस्थापित केला आहे.

रुबिना फ्रान्सिसचा जन्म मध्य प्रदेशातील जबलपूरमध्ये झाला आहे. तिने आपल्या उत्कृष्ट कामगिरीने आंतरराष्ट्रीय स्तरावर स्वतःची ओळख निर्माण केली आहे. रुबिनाची संघर्ष यात्रा विशेष प्रेरणादायी आहे, कारण तिने अपंगत्वावर मात करून क्रीडाक्षेत्रात उत्तुंग यश मिळवलं आहे. ती आपल्या कठोर परिश्रम, जिद्द आणि आत्मविश्वासामुळे अनेकांसाठी आदर्श ठरली आहे.