एलिमिनेटर सामन्यात प्रथम फलंदाजी करताना रॉयल चॅलेंजर्स बेंगळुरूच्या संघाने ८ विकेट गमावत २० षटकात १७२ धावा केल्या. आता राजस्थान रॉयल्सच्या संघाला सामना जिंकण्यासाठी १७३ धावा कराव्या लागतील. 'करो आणि मरो' च्या सामन्यात आरसीबीचे फलंदाजांना मोठी धावसंख्या उभारता आली नाही. फलंदाजी करण्याचं आमंत्रण मिळाल्यानंतर आरसीबी धावसंख्येचा डोंगर उभारेल असं वाटत होतं. परंतु राजस्थानच्या खेळाडूंनी उत्तम क्षेत्ररक्षणाचा उदाहरण सादर करत आरसीबीच्या फंलदाजाला मोठी धावसंख्या उभारू दिली नाही.

आयपीएलच्या प्लेऑफ फेरीला सुरुवात झालीय. आज एलिमिनेटर सामना आरसीबी आणि राजस्थान रॉयल्सच्या संघात होत आहे. या दोन्ही संघांसाठी हा करो किंवा मरोचा सामना आहे. कारण जो संघ हा सामना हरेल होईल तो संघ आयपीएल २०२४ मधून गाशा गंडाळणार आहे. जो संघ जिंकेल त्याचा सामना 24 मे रोजी चेन्नईच्या एमए चिदंबरम स्टेडियमवर क्वालिफायर 2 मध्ये सनरायझर्स हैदराबादशी होईल.