भारतीय क्रिकेट संघाने पुन्हा एकदा कोट्यवधी क्रिकेट चाहत्यांना पुन्हा एकदा जल्लोष साजरा करण्याची संधी दिली. भारतीय संघाने एकही सामना न गमावता आयसीसी चॅम्पियन्स ट्रॉफी २०२५ स्पर्धेतील फायनलमध्ये प्रवेश केला. या सामन्यात भारताने न्यूझीलंडचा पराभव करत शानदार विजयाची नोंद केली. भारताने फायनलमध्ये ४ गडी राखून विजय मिळवला. या विजयानंतर केवळ भारतातच नव्हे तर पाकिस्तानातही विजयाचा जल्लोष पाहायला मिळाला आहे.

भारतीय संघाच्या विजयानंतर देशवासीयांनी फटाके फोडून, डान्स करून जल्लोष केला. खेळाडू मैदानात डान्स करताना दिसून आले. तर फॅन्स रस्त्यावर उतरून विजयाचा जल्लोष साजरा करताना दिसून आले. दरम्यान पाकिस्तानातील क्रिकेट फॅन्स रोहित शर्मा आणि विराट कोहलीचं कौतुक करून पैशांची उधळण करताना दिसून आले.

सोशल मीडियावर एक व्हिडिओ तुफान व्हायरल होतोय, ज्यात तुम्ही पाहू शकता की, पाकिस्तानचा क्रिकेट फॅन भारतीय खेळाडूंचं कौतुक करताना दिसून येत आहे. या फॅनने रोहित शर्मा आणि विराट कोहलीचं तोंडभरून कौतुक केलं. यासह नोटांची उधळणही केली. ज्याचा व्हिडिओ सध्या सोशल मीडियावर तुफान व्हायरल होतोय.

भारतीय संघाचा विजय

आयसीसी चॅम्पियन्स ट्रॉफी स्पर्धेतील फायनलमध्ये भारत आणि न्यूझीलंड हे दोन्ही संघ आमनेसामने आले होते. या सामन्यात न्यूझीलंडचा संघ प्रथम फलंदाजी करण्यासाठी मैदानात आला होता. पहिल्या डावात फलंदाजी करताना न्यूझीलंडने ५० षटक अखेर २५१ धावा केल्या. भारतीय संघाला हा सामना जिंकण्यासाठी २५२ धावा करायच्या होत्या. या धावांचा पाठलाग करताना भारताने ४ गडी राखून विजय मिळवला. हा भारताचा या स्पर्धेतील तिसरा विजय ठरला आहे.