नवी दिल्ली : पाकिस्तान क्रिकेट संघाचा स्टार खेळाडू मोहम्मद अमीरने आयपीएलबाबत मोठी अपडेट दिली आहे. आमिरने सांगितलं आहे की, त्याला इंडियन प्रीमियर लीगमध्ये खेळायचं आहे. आमिरनं सांगितलं की तो २०२६ पर्यंत आयपीएलमध्ये खेळण्याची आशा बाळगतो. आमिर पाकिस्तान सोडून दुसऱ्या देशाचं नागरिकत्व मिळविण्याचा प्रयत्न करत आहे आहे.

आमिर हा पाकिस्तानचा एक घातक गोलंदाज आहे. त्याने अनेक वेळा संघासाठी दमदार कामगिरी केली आहे. पण आता त्याला आयपीएलमध्ये खेळायचे आहे. भारतीय क्रिकेट नियामक मंडळाने पाकिस्तानी खेळाडूंना आयपीएलमधून बंदी घातली आहे. आयपीएलमधील फिक्सिंग प्रकरणानंतर हे पाऊल उचलण्यात आले. आमिर म्हणाला पुढे म्हणाला की, पुढील वर्षी मला आयपीएलमध्ये खेळण्याची संधी मिळू शकते. जर तसं झालं तर मी आयपीएलमध्ये खेळणार आहे.

दरम्यान, मोहम्मद आमिरची पत्नी नर्गिस ही यूकेची नागरिक आहे. मोहम्मद आमिरनेही यूके नागरिकत्वासाठी अर्ज केला आहे. जर त्याला नागरिकत्व मिळालं तर तो पाकिस्तान सोडून जाईल. अशा परिस्थितीत तो नियमांनुसार आयपीएलमध्ये खेळू शकतो. आमिर म्हणाला, पाकिस्तानी क्रिकेटपटूंना आयपीएलमधून बंदी घालण्यात आली आहे. पण आपले माजी क्रिकेटपटू आयपीएलमध्ये समालोचन करतात. अशा परिस्थितीत त्याचे आयपीएल खेळण्याचे स्वप्न पूर्ण हेईल का? हे लवकरच कळेल.