T20 World Cup, Pak vs NZ : टी 20 वर्ल्डकप स्पर्धेतील फायनलमध्ये पोहोचणारा पहिला संघ निश्चित झाला आहे. सेमिफायनलमध्ये न्यूझीलंडला 7 विकेटने पराभूत करून पाकिस्तानने फायनलमध्ये धडक

टी-20 विश्वचषकाच्या पहिल्या उपांत्य सामन्यात पाकिस्तानने न्यूझीलंडचा सात गडी राखून पराभव करत अंतिम फेरी गाठली. पाकिस्तानचा संघ 13 वर्षांनंतर टी-20 विश्वचषकाच्या अंतिम फेरीत पोहोचला आहे. या सामन्यात न्यूझीलंडने नाणेफेक जिंकून प्रथम फलंदाजी करताना चार गड्यांच्या मोबदल्यात 152 धावा केल्या. प्रत्युत्तरादाखल खेळताना पाकिस्तानने पाच चेंडूत तीन गडी गमावून 153 धावा करून लक्ष्य गाठले. आता अंतिम फेरीत पाकिस्तानचा सामना भारत-इंग्लंड सामन्यातील विजेत्याशी होणार आहे. (Cricket News)

न्यूझीलंडकडून डॅरेल मिशेलने 53 आणि केन विल्यमसनने 46 धावा केल्या. पाकिस्तानकडून शाहीन आफ्रिदीने दोन विकेट्स घेतल्या. 153 धावांचा पाठलाग करताना बाबर आणि रिझवानच्या जोडीने पाकिस्तानला चांगली सुरुवात करून दिली. या दोघांनी पहिल्या विकेटसाठी 105 धावांची भागीदारी करत पाकिस्तानचा विजय निश्चित केला.

बाबरने 53 आणि रिझवानने 57 धावा केल्या. शेवटी हरिस रौफने 30 धावांची खेळी करत पाकिस्तानला विजयापर्यंत नेले. न्यूझीलंडकडून ट्रेंट बोल्टने दोन विकेट्स घेतल्या. पाकिस्तानचा संघ 2009 नंतर प्रथमच T20 विश्वचषकाच्या अंतिम फेरीत पोहोचला आहे.