गेल्या काही वर्षांत क्रिकेटपटूंची कमाईच्या बाबतीत उच्चांक गाठला आहे. सुरुवातीला क्रिकेटपटूंची कमाई खूप कमी असायची. मात्र आयपीएल सुरु झाल्यापासून भारतीय क्रिकेटपटूंची कमाई ही कोट्यवधींच्या घरात आहे.

भारतीय संघासाठी खेळणाऱ्या खेळाडूंना बीसीसीआय पगार म्हणून वर्षाला कोट्यवधी रुपये देते. यासह खेळाडू जाहीरातीतूनही भरपूर कमाई करतात. त्यामुळे तुम्हाला वाटत असेल की, विराट, रोहित आणि सचिन हे सर्वात श्रीमंत क्रिकेटपटू असतील. मात्र हा तुमचा गैरसमज आहे.

आम्ही तुम्हाला अशा एका क्रिकेटपटूबद्दल सांगणार आहोत, जो रोहित शर्मा, विराट कोहली आणि एमएस धोनीपेक्षाही श्रीमंत आहे. आम्ही बोलतोय, भारताचा क्रिकेटपटू आर्यमन बिरलाबद्दल. आर्यमन बिरलाबद्दल बोलायचं झालं, तर हा केवळ भारतातील नव्हे, तर जगातील सर्वात श्रीमंत क्रिकेटपटू आहे, असं म्हटलं तरी वागगं ठरणार नाही.

आर्यमन बिरलाचे (Aryaman Birla) वडील कुमार मंगलम बिरला हे भारतातील सर्वात श्रीमंत बिजनेसमनपैकी एक आहेत. बिझनेसमन कुटुंबातून येणाऱ्या आर्यमन बिरलाला क्रिकेटची प्रचंड आवड होती. त्याने आपल्या मेहनतीच्या बळावर देशांतर्गत क्रिकेटमध्ये स्थान मिळवलं. मध्य प्रदेशसाठी देशांतर्गत क्रिकेट खेळणाऱ्या या स्टार फलंदाजाने २०१९ मध्ये विश्रांती घेतली आणि त्यानंतर त्याला कमबॅक करताच आलं नाही.

एकूण संपत्ती किती?

माध्यमातील वृत्तानुसार, आर्यमन बिरलाच्या वडिलांची एकूण संपत्ती ७०००० कोटींच्या घरात आहे. या आकडेवारीसह तो भारतातील सर्वात श्रीमंत क्रिकेटपटू ठरला आहे.

आर्यमन बिरलाच्या कारकिर्दीबद्दल बोलायचं झालं, तर त्याला २०१७ मध्ये मध्यप्रदेश संघासाठी पदार्पण करण्याची संधी मिळाली होती. त्याला आपल्या कारकिर्दीदरम्यान प्रथम श्रेणी क्रिकेटमध्ये ९ तर लिस्ट ए क्रिकेटमध्ये ४ सामने खेळण्याची संधी मिळाली. यादरम्यान त्याला ४१४ धावा करता आल्या. यादरम्यान नाबाद १०३ धावा ही त्याची सर्वोत्तम खेळी ठरली आहे.