Asia Cup 2023 Final Match Weather Update saam tv
Sports

Asia Cup 2023: आशिया चषकाच्या अंतिम सामन्यावर पावसाचं सावट! सामना रद्द झाल्यास कोण होईल विजेता?

Asia Cup 2023 Final Match Weather Update: या सामन्यासाठी रिजर्व्ह डे नसणार आहे.

Ankush Dhavre

Asia Cup 2023 Final Match Weather Update:

श्रीलंकेत सुरू असलेल्या आशिया चषकात फलंदाजांसह पावसाची देखील तुफान फटकेबाजी सुरू आहे. आतापर्यंत असा एकही सामना नसेल ज्यात पावसाने खोळंबा घातला नसेल. आता अंतिम सामन्याबाबत एक मोठी अपडेट समोर आली आहे.

एशियन क्रिकेट काऊन्सिलने स्पष्ट केलं आहे की, अंतिम सामन्यात कुठलाही रिझर्व्ह डे असणार नाही. त्यामुळे अंतिम सामना रद्द झाल्यास दोन्ही संघांना संयुक्त विजेता घोषित करण्यात येईल.

श्रीलंकेत मॉन्सून असूनही आशिया चषक स्पर्धेचे आयोजन केल्यामुळे आता प्रश्न उपस्थित होऊ लागले आहेत. पाऊस असल्यामुळे प्रेक्षक मैदानावर येऊ शकलेले नाहीत. त्यामुळे पीसीबीला आर्थिक फटका बसला आहे. यापूर्वी ही स्पर्धा युएईमध्ये होणार असल्याची चर्चा होती. मात्र अखेर ही स्पर्धा श्रीलंकेत खेळवण्याचा निर्णय घेण्यात आला. या स्पर्धेतील अंतिम सामना येत्या १७ सप्टेंबर रोजी रंगणार आहे.

कुठून सुरू झाला वाद?

आशिया चषक २०२३ स्पर्धेचे यजमानपद पाकिस्तानकडे आहे. मात्र सुरक्षेच्या कारणास्तव भारतीय संघाने पाकिस्तानात जाऊन खेळण्यास स्पष्ट नकार दिला होता. त्यानंतर ही स्पर्धा कुठे खेळवायची याबाबत जोरदार चर्चा रंगली. शेवटी ही स्पर्धा हायब्रीड मॉडेलमध्ये खेळवण्याचा निर्णय घेण्यात आला.

हायब्रीड मॉडेलनुसार या स्पर्धेतील ४ सामने पाकिस्तानात तर ९ सामने श्रीलंकेत खेळवले जाणार असल्याचं ठरलं होतं. या मॉडेलनुसार भारतीय संघाचे सर्व सामने श्रीलंकेत खेळवले जाणार असल्याचं ठरलं होतं. स्पर्धेतील अंतिम सामना देखील श्रीलंकेत खेळवला जाणार आहे. मात्र पावसामुळे व्यत्यय येत असल्याने आता प्रश्न उपस्थित केले जात आहेत. (Latest sports updates)

सुपर ४ फेरीतील सामन्यांना प्रारंभ झाला आहे. तर भारत- पाकिस्तान सामना येत्या १० सप्टेंबर रोजी रंगणार आहे. जर हे दोन्ही संघ अंतिम फेरीत पोहोचले तर आशिया चषकात पहिल्यांदाच भारत- पाकिस्तान अंतिम सामना पाहायला मिळू शकतो. हा सामना १७ सप्टेंबर रोजी खेळवला जाणार आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Prarthana Behere: ही मराठमोठी अभिनेत्री मासिक पाळी दरम्यान गेली देवीच्या दर्शनाला; म्हणाली,'देवी तू माझी आई...'

Whatsapp New Feature: फक्त नंबर डायल करा आणि कॉल करा, कमाल आहे व्हॉट्सअ‍ॅपचं डायलिंग फीचर

Kidney Failure Symptoms: किडनी फेल्युअरची 'ही' लक्षणं लघवीद्वारे दिसतात, वेळीच लक्ष द्या

Pankaja Munde: कुणाची सुपारी घेऊन आलात..., पंकजा मुंडे भगवान गडावरील मेळाव्यात नेमक्या कुणावर चिडल्या?

Hair Care : केस मोकळे ठेवून झोपावं की बांधून? वाचा फायदे-तोटे

SCROLL FOR NEXT