- चेतन व्यास

Maharashtra Kesari : कुस्तीगीर परिषदेचं अधिवेशन म्हणजेच महाराष्ट्र केसरी कुस्ती स्पर्धा घेण्याचा अधिकार बाळासाहेब लांडगे (Balasaheb Landge) यांना नाही. भारतीय कुस्ती महासंघाने महाराष्ट्र राज्य कुस्तीगीर परिषद बरखास्त केली आहे. मामासाहेब माेहाेळ यांचे नातेवाईक मुरलीधर (murlidhar mohol) यांना यंदाच्या अधिवेशनाचा मान देण्यात आला आहे. परंतु लांडगे यांना माेहाेळही चालत नाही आणि आम्ही असे मत खासदार रामदास तडस (Ramdas Tadas) यांनी महाराष्ट्र केसरी कुस्ती स्पर्धेच्या आयाेजनावरुन रंगलेल्या वादावर व्यक्त केले. (Maharashtra Kesari Latest Marathi News)

महाराष्ट्र राज्य कुस्तीगीर परिषद बरखासत झाली आहे. दरम्यान महाराष्ट्र केसरी कुस्ती स्पर्धेच्या आयोजनावर ज्येष्ठ क्रीडा संघटक बाळासाहेब लांडगे हे ठाम राहिले आहेत. त्यामुळे क्रीडा क्षेत्रात मानाची समजल्या जाणारी महाराष्ट्र केसरी कुस्ती स्पर्धेचे आयाेजन वादाच्या भाेव-यात आले आहे.

दरम्यान याबाबत खासदार रामदास तडस म्हणाले बाळासाहेब लांडगे यांना स्पर्धा आयाेजनाचा कोणताही अधिकार राहिलेला नाही. महाराष्ट्र राज्य कुस्तीगीर परिषद अगोदरच बरखास्त झाली आहे. ऑल इंडिया कुस्तीगीर संघान ती बरखास्त केली आहे. बाळासाहेब लांडगे यांनी भ्रष्टाचार केला. दहा वर्षात राष्ट्रीय स्पर्धा आयाेजित केल्या नाहीत. महासंघाच्या पत्रांना उत्तर दिलं नाही. त्यामुळे बाळासाहेब लांडगे महासचिव असलेली महाराष्ट्र राज्य कुस्तीगिर परिषद बरखास्त झाली. (Maharashtra News)

दरम्यान नव्याने निवडणुका झाल्या. त्यात मी अध्यक्षपदाचा उमेदवार होतो. त्यानंतर ते काेर्टात गेले. आम्हांला न्यायालयाने निकाल जाहीर करु नका असे सांगितले हाेते. आम्ही कोर्टाचा मान राखला, निवडणुका अविरोध झाल्या पण निकाल जाहिर केला नाही असेही खासदार तडस यांनी नमूद केले. (Breaking Marathi News)

Edited By : Siddharth Latkar