WPL 2023 RCB : आयपीएल स्पर्धेत रॉयल चॅलेंजर्स बेंगलोर संघात एकापेक्षा एक खेळाडू असतात, मात्र तरीही हा संघ जेतेपद मिळवू शकला नाहीये. असेच काहीसे चित्र विमेन्स प्रीमियर लीग स्पर्धेत देखील पाहायला मिळाले आहे.

स्म्रीती मंधानाच्या नेतृत्वाखाली खेळणाऱ्या संघात एकापेक्षा एक स्टार खेळाडू आहेत. मात्र तरीही हा संघ आपल्या पहिल्या विजयाच्या शोधात आहे. दरम्यान या कामगिरीनंतर सोशल मीडियावर मिम्स व्हायरल होऊ लागले आहेत.(Latest sports updates)

रॉयल चॅलेंजर्स बंगलोर संघाला दिल्ली कॅपिटल्स आणि मुंबई इंडियन्स संघाकडून पराभवाचा सामना करावा लागला आहे. आता रॉयल चॅलेंजर्स बेंगलोर संघाने एकही सामना गमावला तर हा संघ स्पर्धेतून बाहेर होऊ शकतो. या संघाच्या निराशाजनक कामगिरीनंतर नेटकऱ्यांनी विराटलाही ट्रोल करायला सुरुवात केली आहे.

रॉयल चॅलेंजर्स बेंगलोर संघाच्या या निराशाजनक कामगिरीनंतर नेटकऱ्यांनी भन्नाट मिम्स व्हायरल करायला सुरुवात केली आहे.

रॉयल चॅलेंजर्स बेंगलोर संघाला दिल्ली कॅपिटल्स संघाविरुध्द झालेल्या सामन्यात ६० धावांनी पराभवाचा सामना करावा लागला होता. तर मुंबई इंडियन्स संघाविरुध्द झालेल्या सामन्यात ९ गडी राखून पराभवाचा सामना करावा लागला होता.

आता रॉयल चॅलेंजर्स बेंगलोर संघाला या स्पर्धेत एकूण ५ सामने खेळायचे आहेत. जर या संघाला प्लेऑफमध्ये प्रवेश करायचा असेल तर कुठल्याही परिस्थितीत ४ सामने जिंकावे लागणार आहेत.