नवी दिल्ली : यंदाच्या आयपीएल मोसमात (IPL 2022) अनेक सामने रंगतदार होत असल्याने क्रिकेटप्रेमींचंही मनोरंजन होत आहे. तसंच आतपर्यंत झालेल्या लढतींमध्ये काही सामने अतीतटीचे झाल्याने प्रेक्षकांच्याही भुवयाही उंचावल्या आहेत. आयपीएलच्या अशा सामन्यांच्या चर्चा सर्वत्र रंगत असतानाही केकेआरच्या ( KKR) एका दिग्गज खेळाडूनं नव्या विषयाला सुरुंग लावलाय. दहा वर्षांपासून केकेआरसाठी खेळणाऱ्या सुनिल नारायणने (Sunil Narine) भारताचा माजी क्रिकेटपटू विरेंद्र सेहवागबाबत (virender sehwag) एक मोठा खुलासा केला आहे.

माझ्या फिरकी गोलंदाजीवर सेहवागची फटकेबाजी

केकेआर आणि राजस्थान रॉयलमध्ये यांच्यातील सामन्यापूर्वी सुनिल नारायणला एक प्रश्न विचारण्यात आला होता. तुमच्या फिरकी गोलंदाजीवर कोणता खेळाडू आक्रमकपणे खळतो, असं नारायणला विचारण्यात आलं. त्यावेळी सुनिल नारायणने विरेंद्र सेहवागचं नाव घेत तो एक अप्रतिम फलंदाज असल्याचं सांगितलं. नारायण म्हणाला, विरेंद्र सेहवाग आक्रमक फलंदाजी करायचा. सेहवागविरोधात गोलंदाजी करणं सोपं नव्हत. सामन्यात कशीही परिस्थिती असो, सेहवाग हा त्याच्या फलंदाजीने नेहमीच धावा कुटायचा.