नवी दिल्ली : टीम इंडियाचा कर्णधार विराट कोहली (Virat Kohli) एका कृत्यामुळे सोशल मीडियावर प्रचंड ट्रोल होत आहे. विराट कोहलीच्या या कृतीवर सर्वजण त्याच्यावर भडकलेले दिसून येत आहेत. दक्षिण आफ्रिकेविरुद्धच्या (South Africa) तिसऱ्या एकदिवसीय (ODI) सामन्यापूर्वी विराट कोहलीने राष्ट्रगीतामध्ये (National Anthem) असे काही केले, ज्यामुळे सर्वांनाच आश्चर्य वाटले आणि राग अनावर झाला आहे. (Virat Kohli Insult to national anthem Viral Video)

कोहलीच्या या कृत्यामुळे चाहते संतापले

खरंतर, दक्षिण आफ्रिकेविरुद्धच्या तिसर्‍या एकदिवसीय सामन्यादरम्यान विराट कोहली एक कृत्य करताना कॅमेऱ्यात कैद झाला होता. सामन्यापूर्वी राष्ट्रगीत सुरू असताना विराट कोहली च्युइंगम चघळताना दिसला. या घटनेचा व्हिडिओ सध्या सोशल मीडियावर चांगलाच व्हायरल (Viral Video) होत आहे.

पहा व्हिडीओ-

राष्ट्रगीतादरम्यान ही कृती;

राष्ट्रगीताचा अपमान केल्याबद्दल चाहत्यांनी त्याला सोशल मीडियावर प्रचंड ट्रोल केले. या मालिकेसह विराट कोहलीने खेळाच्या सर्व फॉरमॅटमधील कर्णधारपद सोडले आहे. अशा परिस्थितीत कर्णधारपदाच्या जबाबदारीतून मुक्त झाल्यानंतर विराटचा हा प्रकार चाहत्यांना अजिबात आवडला नाही. विराट कोहलीच्या चुकीमुळे चाहते आणि टीकाकार नाराज झाले. यानंतर लोकांनी बीसीसीआयकडे (BCCI) विराटवर कारवाई करण्याची मागणीही केली.

टीम इंडियाचा क्लीन स्वीप

टीम इंडियाला दक्षिण आफ्रिकेकडून तिसऱ्या वनडेतही पराभवाचा सामना करावा लागला आहे. तीन एकदिवसीय सामन्यांच्या मालिकेत दक्षिण आफ्रिकेने टीम इंडियाचा 3-0 असा पराभव केला.