भारतीय संघाबाहेर असलेल्या शिखर धवनच्या आयुष्यात मोठी घटना घडली आहे. शिखरचा पत्नी आयशा मुखर्जीसोबत घटस्फोट झाला आहे. दिल्लीच्या पटियाला हाऊस परीसरातील फॅमिली कोर्टाने हा निर्णय दिला आहे.
पत्नी आयशाने शिखरला आपल्या मुलापासून दुर ठेऊन मानसिक छळ केल्याचही कोर्टाने मान्य केलं आहे.
या याचिकेत शिखर धवनने आयशावर गंभीर आरोप केले होते. आयशाने या सर्व आरोपांचा स्वीकार केला असून ती स्वत:चा बचाव करू शकलेली नाही. असं कोर्टाने म्हटलं आहे. शिखर धवनने आयशावर मानसिक छळ केल्याचा आरोप केला होता.
दोघांचा घटस्फोट झाल्यानंतर मुलगा कोणाकडे राहणार हे अद्यापही स्पष्ट झालेलं नाही. सध्या मुलगा आयशाकडे असून कोर्टाने शिखर धवनला आपल्या मुलाला भेटण्याची परवानगी दिली आहे.
त्याचा मुलगा ऑस्ट्रेलियात असल्याने उचित वेळेत व्हिडिओ कॉलवर बोलण्याची अनुमती कोर्टाने दिली आहे. तर शाळेला सुट्टी असताना कमीत कमी काळासाठी तो शिखर धवनसोबत राहण्यासाठी जाऊ शकतो, असे कोर्टाने आदेश दिले आहेत. (Latest sports updates)
१० वर्षांनी मोठ्या असलेल्या आयशासोबत केला होता विवाह..
शिखर धवन आणि आयशा हे दोघेही २०१२ मध्ये विवाह बंधनात अडकले होते. विवाह झाल्यानंतर त्यांना मुलगा झाला. त्याचं नाव त्यांनी जोरावर असं ठेवलं. आयशा ही शिखर धवनपेक्षा १० वर्षांनी मोठी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.