भारत आणि दक्षिण आफ्रिका या दोन्ही संघांमध्ये २ कसोटी सामन्यांची मालिका पार पडली. या मालिकेतील पहिल्या सामन्यात दक्षिण आफ्रिकेने तर दुसऱ्या सामन्यात भारतीय संघाने एकतर्फी विजय मिळवला आहे. यासह ही मालिका १-१ च्या बरोबरीत समाप्त झाली आहे. दरम्यान केपटाऊन कसोटी जिंकताच मोठ्या कर्णधार रोहित शर्माच्या नावे मोठ्या विक्रमाची नोंद झाली आहे.
असा कारनामा करणारा दुसराच भारतीय कर्णधार..
रोहित शर्माने कर्णधार म्हणून वनडे आणि टी -२० क्रिकेटमध्ये अनेक मोठ मोठे रेकॉर्ड आपल्या नावावर केले आहेत. नुकताच कसोटी क्रिकेटमध्येही त्याने ऐतिहासिक कारनामा करून दाखवला आहे.
रोहित शर्माच्या नेतृत्वाखाली खेळणाऱ्या भारतीय संघाने दक्षिण आफ्रिकेत कसोटी मालिका १-१ च्या बरोबरीत समाप्त केली आहे. दरम्यान दक्षिण आफ्रिकेत कसोटी मालिका ड्रॉ करणारा तो दुसराच भारतीय कर्णधार ठरला आहे.
यापूर्वी एमएस धोनीने २०११ मध्ये हा कारनामा केला होता. गेल्या १२ वर्षांत दक्षिण आफ्रिकेविरुद्धची कसोटी मालिका ड्रॉ करणारा रोहित हा पहिलाच भारतीय कर्णधार आहे.गेल्या ३१ वर्षांपासून भारतीय संघ दक्षिण आफ्रिकेला कसोटी मालिकेत हरवू शकलेला नाही. (Latest sports)
असा कारनामा करणारा ठरला पहिलाच भारतीय कर्णधार..
दक्षिण आफ्रिकेला केपटाऊन पराभूत करणं मुळीच सोपं नाही. गेल्या ३१ वर्षांत कुठलाच भारतीय कर्णधार दक्षिण आफ्रिकेला केपटाऊनमध्ये हरवू शकला नव्हता. रोहित शर्मा असा कारनामा करुन दाखवणारा पहिलाच भारतीय कर्णधार ठरला आहे. तसेच आशियातील पहिलाच कर्णधार ठरला आहे.
भारतीय संघाचा जोरदार विजय..
भारतीय संघाला हा सामना जिंकण्यासाठी ७९ धावांची गरज होती. या धावांचा पाठलाग करताना भारतीय संघाकडून यशस्वी जयस्वालने सर्वाधिक २८ धावांची खेळी केली. तर रोहित शर्मा १७ धावांवर नाबाद राहिला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.