India vs South Africa 1st T20I Weather Update: भारत आणि दक्षिण आफ्रिका या दोन्ही संघांमध्ये ४ टी-२० सामन्यांच्या मालिकेला सुरुवात होणार आहे. या मालिकेतील पहिला सामना आज (८ नोव्हेंबर) डरबनमध्ये रंगणार आहे. एकीकडे भारतीय संघ बांगलादेशला टी-२० मालिकेत ३-० ने पराभूत करुन आला आहे.

तर दुसरीकडे दक्षिण आफ्रिकेचा संघ टी-२० वर्ल्डकप स्पर्धेतील फायनलच्या पराभवाचा बदला घेण्यासाठी मैदानात उतरणार आहे. दरम्यान या सामन्यापूर्वी दोन्ही संघांसाठी टेन्शन वाढवणारी बातमी समोर येत आहे.

भारत- दक्षिण आफ्रिका सामन्यात पावसाची बॅटिंग?

भारत आणि दक्षिण आफ्रिका यांच्यातील पहिला टी-२० सामना डरबनमध्ये रंगणार आहे. हा सामना स्थानिक वेळेनुसार संध्याकाळी ५ वाजता, तर भारतीय वेळेनुसार रात्री ८:३० वाजता सुरु होईल.

दरम्यान सामन्यावेळी पाऊस पडण्याची शक्यता ही ४६ टक्के इतकी असणार आहे. तर रात्री ९ च्या दरम्यान ही शक्यता ५० च्या पुढे जाईल. त्यामुळे या सामन्यादरम्यान पावसाची बॅटिंग पाहायला मिळू शकते. त्यामुळे सामना रद्द होण्याचीही शक्यता आहे.

डरबनमध्ये कसा राहिलाय रेकॉर्ड?

डरबनच्या मैदानावरील रेकॉर्ड पाहिला, तर या मैदानावर आतापर्यंत २२ सामने खेळले गेले आहेत. यादरम्यान केवळ २ सामने पावसामुळे धुतले गेले आहेत. तर ११ सामन्यांमध्ये प्रथम फलंदाजी करणाऱ्या संघाने बाजी मारली आहे. तर ९ सामने धावांचा पाठलाग करणाऱ्या संघांनी जिंकले आहेत.

या मालिकेसाठी असे आहेत दोन्ही संघ:

दक्षिण आफ्रिका - एडेन मार्करम, ओटनील बार्टमन, गेराल्ड कोएत्जी, डोनोवन फरेरा, रिजा हेंड्रिक्स, मार्को जानसेन, हेनरिक क्लासेन, पेट्रिक क्रूगर, केशव महाराज,नकाबा पीटर, रयान रिकेलटन, एंडिल सिमलेन, लूथो सिपाम्ला, ट्रिस्टन स्टब्स, डेव्हिड मिलर, मिहलाली मपोंगवाना

भारतीय संघ:

सूर्यकुमार यादव (कर्णधार), अभिषेक शर्मा, संजू सॅमसन (यष्टीरक्षक), रिंकू सिंग, तिलक वर्मा, जितेश शर्मा (यष्टीरक्षक), हार्दिक पंड्या, अक्षर पटेल, रमनदीप सिंग, वरुण चक्रवर्ती, रवी बिश्नोई, अर्शदीप सिंग, विजयकुमार विशक, आवेश खान ,यश दयाल.