India vs Australia 4th T20 Match:

भारत आणि ऑस्ट्रेलियामध्ये पाच टी-२० सामन्याची मालिका सुरु आहे. या मालिकेच्या चौथ्या सामन्यात टीम इंडियाने ऑस्ट्रेलियाला धूळ चारली. टीम इंडियाने मालिकेतील चौथा सामना जिंकत मालिका जिंकली. (Latest Marathi News)

'सूर्य'कुमारच्या यंगीस्थानने ऑस्ट्रेलियाविरुद्धच्या टी-२० सामन्यांच्या मालिकेत जबरदस्त कामगिरी केली आहे. टीम इंडियाने या ३-१ ने मालिका जिंकली आहे. टीम इंडियाने टी-२० मालिकेच्या चौथ्या सामन्यात २० षटकात ९ गडी गमावून १७४ धावा केल्या. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

टीम इंडियाने दिलेल्या आव्हानाचा पाठलाग करताना ऑस्ट्रेलिया फक्त २० षटकात ७ गडी गमावून १५४ धावा केल्या. त्यामुळे टीम इंडियाने २० धावांनी सामना जिंकला. टीम इंडियासाठी अक्षर पटेलने तीन गडी बाद केले. तर दीपक चहरने २ गडी बाद केले.

ऑस्ट्रेलियाने केली चांगली सुरुवात

टीम इंडियाने दिलेल्या १७५ धावांचा पाठलाग करताना ऑस्ट्रेलियाने चांगली सुरुवात केली. ट्रेव्हिस हेड आणि जोशने चांगली सुरुवात केली. दोघांनी पहिल्या विकेटसाठी ४० धावांची भागीदारी रचली.

अन् टीम इंडिया २० धावांनी जिंकली

ऑस्ट्रेलियाला पहिला धक्का जोशच्या रुपात बसला.जोशने ७ चेंडूत ८ धावा करून बाद झाला. काही वेळेनंतर हेडही तंबूत परतला. हेडने १६ चेंडूत ३१ धावा केल्या. त्यानंतर हार्डीला अक्षरने बोल्ड केले. तर बेन फक्त १९ धावा करू शकला. टिम डेव्हिडने २० चेंडूत १९ धावा करून तंबूत परतला. मॅथ्यू शॉर्ट १९ चेंडूत २२ धावा करून बाद झाला.

ऑस्ट्रेलियाचा कर्णधार मॅथ्यूने २३ चेंडूत ३६ धावा करून नाबाद राहिला. ऑस्ट्रेलियाला शेवटच्या षटकात ३१ धावा हव्या होत्या, मात्र त्यांनी १० धावा केल्या. यामुळे टीम इंडिया २० धावांनी जिंकली.