Asia cup news  saam tv
Sports

Asia cup: आशिया चषकावर आठव्यांदा नाव कोरण्यासाठी टीम इंडिया सज्ज; यंदा 'हे' विक्रम मोडण्याची नामी संधी

आशिया कपमध्ये भारतीय क्रिकेट संघ आठव्यांदा चषकावर नाव कोरण्यासाठी सज्ज झाला आहे. तर यंदा भारतीय क्रिकेट संघाला (India) अनेक नवे विक्रम नावावर करण्याची मोठी संधी आहे.

Vishal Gangurde

नवी दिल्ली : आशिय कप स्पर्धेची सुरुवात २७ ऑगस्ट रोजी होणार असून पहिलाच सामना अफगाणिस्तान आणि श्रीलंकेदरम्यान होणार आहे. दोन्ही संघाचा हा सामना दुबईच्या आतंरराष्ट्रीय क्रिकेट मैदानात होणार आहे. तर दुसरा सामना २८ ऑगस्ट रोजी सख्खे शेजारी आणि पारंपरिक प्रतिस्पर्धी भारत आणि पाकिस्तान यांच्यात होणार आहे. या आशिया कपमध्ये भारतीय क्रिकेट संघ आठव्यांदा चषकावर नाव कोरण्यासाठी सज्ज झाला आहे. तर यंदा भारतीय क्रिकेट संघाला (India) अनेक नवे विक्रम नावावर करण्याची मोठी संधी आहे.

आशिया कपमध्ये भारतीय क्रिकेट संघाचा सुरुवातीपासून दबदबा आहे. भारतीय क्रिकेट संघाने आतापर्यंत सात वेळा आशिया चषकावर नाव कोरलं आहे. आता भारताला आठव्यांदा आशिया कप जिंकण्याची नामी संधी आहे. आशिया कपचे मागील दोन सत्र हे भारतीय क्रिकेट संघाने जिंकले आहेत. भारत क्रिकेट संघाने १९८४ साली आशिया कपच्या पहिल्या सत्रात श्रीलंकेचा अंतिम सामन्यात पराभव करत चषकावर नाव कोरलं होतं.

आशिया कपच्या भारतीय क्रिकेट संघाचा सलामीवर फलंदाज दुसऱ्यांदा संघाचं नेतृत्व करत आहे. रोहितने या आधी २०१८ साली भारताचं नेतृत्व करत अंतिम सामन्यात बांग्लादेशला पराभवाची धूळ चारली होती. दरम्यान, आशिया कपमध्ये दुसऱ्यांदा संघाचं नेतृत्व करणारा कोणाताही कर्णधाराला चषक जिंकण्याचा विक्रम करता आला नाही. तसेच या आशिया कपमध्ये रोहित शर्माने ८९ धावा पूर्ण केल्यावर आशिया कपच्या इतिहासात तो सर्वाधिक धावा करणारा फलंदाज ठरणार आहे. रोहितने ८९ धावा केल्यामुळे माजी क्रिकेटपटू सचिन तेंडुलकरचा विक्रम मोडता येणे शक्य होणार आहे.

दरम्यान, कर्णधार रोहित शर्माने केवळ दोन टी-20 सामने जिंकल्यास विराट कोहलीचा सर्वाधिक सामने जिंकण्याचा विक्रम मोडला जाणार आहे. त्यानंतर रोहित शर्मा टी-20 फॉरमॅटमधील भारताचा यशस्वी कर्णधार ठरणार आहे. तर टी-20 फॉरमॅटमध्ये माजी कर्णधार महेंद्र सिंह धोनीने देशासाठी ४१ सामने जिंकले आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

पती स्नॅक्स आणायला विसरला आणि पत्नीने केला चाकूहल्ला; पाहा धक्कादायक व्हिडिओ

Maharashtra Live News Update: उद्धव ठाकरे राज ठाकरेंच्या घरी जाणार

Fact Check: सतत नोकरी बदलताय? तर भरावा लागणार लाखो रुपयांचा दंड; व्हायरल मेसेजमागचं सत्य काय?

Maharashtra politics : कोकाटेंचं सेंड ऑफ होणार? अजित पवारांकडून आमदारांसाठी आज स्नेह भोजन

Post Office Scheme: पोस्ट ऑफिसची जबरदस्त योजना! इतक्या रुपयांची फक्त एकदाच गुंतवणूक करा अन् दर महिन्याला मिळवा २०,००० रुपये

SCROLL FOR NEXT