Washington Sundar, India vs New Zealand: पु्ण्यातील महाराष्ट्र क्रिकेट असोसिएशनच्या मैदानावर भारत आणिा न्यूझीलंड यांच्यातील ३ कसोटी सामन्यांच्या मालिकेतील दुसरा सामना सुरु आहे. या सामन्यासाठी भारतीय संघाने प्लेइंग ११ मध्ये ३ मोठे बदल केले.
मोहम्मद सिराज, केएल राहुल आणि कुलदीप यादवच्या जागी वॉशिंग्टन सुंदर, आकाश दीप आणि शुभमन गिल यांना संधी देण्यात आली आहे. दरम्यान वॉशिंग्टन सुंदरने संधीचं सोनं करत भारतीय संघाला लागोपाठ ३ धक्के दिले आहेत.
या सामन्यात न्यूझीलंडचा कर्णधार टॉम लेथमने नाणेफेक जिंकून प्रथम फलंदाजीचा निर्णय घेतला. प्रथम फलंदाजी करताना, न्यूझीलंडला सुरुवातीला २ मोठे धक्के बसले. मात्र रचिन रविंद्रने संघाचा डाव सावरला.
रचिनच्या अर्धशतकी खेळीच्या बळावर न्यूझीलंडने २०० धावांपर्यंत मजल मारली. सुरुवातीच्या २ सेशनमध्ये न्यझीलंडच्या फलंदाजांनी टीचून फलंदाजी केली. मात्र त्यानंतर तिसऱ्या सेशनमध्ये वॉशिंग्टन सुंदरची अप्रतिम गोलंदाजी पाहायला मिळाली. त्याने ४ षटकात न्यूझीलंडच्या ३ फलंदाजांना पॅव्हेलियनची वाट दाखवली.
सुंदरने सुरुवातीला रचिन रविंद्रला बाद करत माघारी धाडलं. त्याने ६० व्या षटकातील पहिल्याच चेंडूवर रचिन रविंद्राला क्लिन बोल्ड केलं. रचिन ६५ धावांवर माघारी परतला. त्यानंतर टॉम ब्लंडेललाही क्लिन बोल्ड करत माघारी धाडलं. त्यानंतर ६३ व्या षटकात त्याने डॅरील मिशेलला पायचित करत माघारी धाडलं. मिशेलला अवघ्या १८ धावा करता आल्या.
या मालिकेतील पहिला सामना बंगळुरुतील एम चिन्नास्वामीच्या मैदानावर पार पडला होता.या सामन्यासाठी सुंदरला संघात स्थान दिलं गेलं नव्हतं. पहिला कसोटी सामना झाल्यानंतर सुंदरचा भारतीय संघात समावेश करण्यात आला. त्यानंतर त्याला प्लेइंग ११ मध्येही स्थान दिलं गेलं आहे. या संधीचा त्याने चांगला फायदा घेतला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.