भारताने पहिल्या डावात ५८७ धावा करत इंग्लंडसमोर मोठी धावसंख्या उभारली होती. त्यानंतर दुसऱ्या डावातही टीम इंडियानं धमाकेदार फलंदाजी करत पुन्हा एकदा शतक ठोकलंय. एजबॅस्टन कसोटीच्या चौथ्या दिवशी गिल फलंदाजीसाठी आला आणि दुसऱ्या डावात त्याने स्फोटक फलंदाजी करत शतक केलं. या शतकासह त्याने एक विक्रम केलाय. यासह, तो कसोटी सामन्यात द्विशतक आणि शतक करणारा भारताचा दुसरा आणि जगातील 9 वा फलंदाज बनला.

लीड्स कसोटीत शतक झळकावत गिलने आपल्या दौऱ्याची आणि कर्णधारपदाची सुरुवात केली. शुभमन गिलने एजबॅस्टनमध्येही आपला उत्कृष्ट फॉर्म कायम ठेवलाय. या कसोटीच्या पहिल्या डावात २६९ धावा करून गिलने इतिहास रचला होता. कसोटी क्रिकेटमध्ये सर्वात मोठी खेळी खेळणारा तो पहिला भारतीय कर्णधार बनलाय.