हर्षदा शरद गरुड सोमवारी ग्रीसमधील हेरक्लिओन येथे IWF ज्युनियर वर्ल्ड चॅम्पियनशिपमध्ये सुवर्णपदक जिंकणारी पहिली भारतीय वेटलिफ्टर ठरली. हर्षदाने महिलांच्या 45 किलोमध्ये एकूण 153 किलो वजन उचलून सुवर्णपदक जिंकले आणि स्पर्धेच्या पहिल्याच दिवशी भारताचे पदकाचे खाते उघडले आहे. हर्षदाने स्नॅचमध्ये ७० किलो वजन उचलून सुवर्णपदक मिळवले तर क्लीन अँड जर्कमध्ये ती तुर्कीच्या बेक्तास कानसू (८५ किलो) च्या मागे दुसऱ्या स्थानावर होती. बेक्तासने एकूण 150 किलो (65 किलो आणि 85 किलो) वजन उचलून रौप्यपदक जिंकले.

याच प्रकारात मोल्दोव्हाच्या हिंकू टिओडोराने एकूण १४९ किलो (६७ किलो व ८२ किलो) वजन उचलून कांस्यपदक जिंकले. हा वर्ग ऑलिम्पिक खेळांचा भाग नाही. याच प्रकारात स्पर्धा करणारी आणखी एक भारतीय महिला आहे ती म्हणजे अंजली पटेल एकूण 148 किलो (67 किलो आणि 81 किलो) वजन उचलून पाचव्या स्थानावर राहिली.

कॉन्टिनेन्टल आणि वर्ल्ड चॅम्पियनशिपमध्ये स्नॅच, क्लीन अँड जर्क आणि एकूण वजनात स्वतंत्र पदके दिली जातात, तर ऑलिम्पिकमध्ये एकूण वजन गटातच पदके दिली जातात. यापूर्वी ज्युनियर वर्ल्ड चॅम्पियनशिपमध्ये मीराबाई चानूने 2013 मध्ये कांस्यपदक जिंकले होते, तर अचिंता शेउलीने गेल्या वर्षी रौप्यपदक जिंकले होते.

Edited By: Pravin Dhamale