आयसीसी टी-२० वर्ल्डकप २०२४ स्पर्धा आता रोमांचक वळणावर येऊन पोहोचली आहे. ग्रुप २ मध्ये सेमिफायनलमध्ये जाणारे दोन्ही संघ ठरले आहेत. तर ग्रुप १ मध्ये सेमिफायनलमध्ये जाण्यासाठी चारही संघांमध्ये चुरशीची लढत सुरु आहे. भारतीय संघाला सेमिफायनलमध्ये जाण्यासाठी प्रबळ दावेदार मानलं जात आहे. दरम्यान भारतीय संघाने सेमिफायनलमध्ये प्रवेश केला, तर सेमिफायनलमध्ये भारतीय संघ कोणत्या संघाविरुद्ध भिडणार? जाणून घ्या.
ग्रुप २ मध्ये इंग्लंड, दक्षिण आफ्रिका, वेस्टइंडिज आणि अमेरिका या ४ संघांनी सुपर८ मध्ये प्रवेश केला होता. अमेरिकेचा संघ स्पर्धेतून बाहेर पडणारा पहिला संघ ठरला होता. तर इंग्लंड, वेस्टइंडिज आणि दक्षिण आफ्रिका या ३ संघांमध्ये चुरशीची लढत सुरु होती. इंग्लंडने अमेरिकेचा एकतर्फी धुव्वा उडवत ग्रुप २ मध्ये अव्वल स्थान गाठलं आणि या स्पर्धेतील सेमिफायनलमध्ये जाणारा पहिलाच संघ ठरला.
तर वेस्टइंडिज आणि दक्षिण आफ्रिका यांच्यात झालेल्या करो या मरो लढतीत,दक्षिण आफ्रिकेने विजय मिळवला आणि सेमीफायनलमध्ये प्रवेश केला. गुणतालिकेत दक्षिण आफ्रिकेचा संघ अव्वल स्थानी आहे. तर इंग्लंडचा संघ दुसऱ्या स्थानी आहे.
ग्रुप २ मध्ये सेमिफायनलमध्ये जाणारे दोन्ही संघ ठरले आहेत. तर ग्रुप १ मध्ये चारही संघांना सेमिफायनलमध्ये जाण्याची संधी आहे.आज होणाऱ्या सामन्यात भारत आणि ऑस्ट्रेलिया हे दोन्ही संघ आमनेसामने येणार आहेत. सेमिफायनलमध्ये जाण्याच्या दृष्टीने हा सामना दोन्ही संघांसाठी अतिशय महत्वाचा असणार आहे. या सामन्यात जर भारतीय संघाने विजय मिळवला, तर भारतीय संघ सेमिफायलसाठी पात्र ठरेल.
जर भारतीय संघ अव्वल स्थानी कायम राहिला, तर भारतीय संघाचा सेमिफायनलचा सामना ग्रुप २ मधील दुसऱ्या स्थानी असलेल्या इंग्लंडविरुद्ध होईल. तर ग्रुप २ मध्ये दुसऱ्या स्थानी असलेल्या संघाचा सामना ग्रुप १ मध्ये अव्वल स्थानी असलेल्या संघाविरुद्ध होईल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.