श्रीलंका विरूद्ध इंग्लंड यांच्यामध्ये ३ टेस्ट सामन्यांची सुरु झाली असून पहिल्या सामन्यात इंग्लंडने बाजी मारली. पहिल्या टेस्ट सामन्यामध्ये इंग्लंडने ५ विकेट्सने श्रीलंकेच्या टीमचा पराभव केला. या सामन्यानंतर वर्ल्ड टेस्ट चॅम्पियनशिपच्या पॉईंट्स टेबलमध्ये मोठा उलटफेर झाला आहे.

इंग्लंडने जागतिक टेस्ट चॅम्पियनशिपच्या पॉईंट्स टेबलमध्ये मोठी झेप घेतली आहे. या विजयानंतर इंग्लंडच्या टीमच्या अंतिम फेरीत पोहोचण्याच्या शक्यता वाढल्या आहेत. आतापर्यंत इंग्लंडला एकदाही वर्ल्ड टेस्ट चॅम्पियनशिपची अंतिम फेरी गाठता आलेली नाही. दरम्यान सध्याच्या स्थितीत पॉईंट्स टेबलमध्ये इंग्लंडची टीम अव्वल स्थानावर आहे. यामुळे टीम इंडियाचं काही नुससान झालंय का हे पाहूया.

इंग्लंडच्या विजयाने टीम इंडियाचं नुकसान?

श्रीलंकेविरुद्धची पहिली टेस्ट जिंकल्यानंतर इंग्लंडने पॉईंट्स टेबलमध्ये 2 स्थान पुढे पोहोचली आहे. यापूर्वी इंग्लंडची टीम सहाव्या स्थानावर होती पण आता ती चौथ्या स्थानावर आली आहे. इंग्लंड चौथ्या स्थानावर आल्याने टीम इंडियाला कोणत्याही प्रकारचं नुकसान झालेले नाही. टीम इंडिया पॉइंट टेबलमध्ये अव्वल स्थानावर कायम आहे.

कशी आहे पॉईंट्स टेबलची स्थिती?

वर्ल्ड टेस्ट चॅम्पियनशिपच्या चक्रात 2023-25 इंग्लंडने आतापर्यंत एकूण 14 सामने खेळले आहेत. यामध्ये त्यांना 7 सामने जिंकले आहेत, तर सामने 6 गमावले. याशिवाय एका सामन्याचा निकाल लागलेला नाही.

दुसरीकडे श्रीलंकेने आतापर्यंत 5 टेस्ट सामने खेळले आहेत. ज्यामध्ये 2 सामन्यांमध्ये त्यांना विजय मिळाला असून 3 सामन्यात पराभव पत्करावा लागला आहे. आता श्रीलंका आणि इंग्लंड यांच्यात आणखी 2 टेस्ट खेळल्या जाणार असून ज्यामध्ये विजय मिळवून दोन्ही टीम आपापल्या स्थितीमध्ये आणखी सुधारणा शकतात.