इंग्लंडविरुद्ध (ENG vs IND) पहिल्या डावात चार बळी घेतल्यानंतर भारताचा वेगवान गोलंदाज मोहम्मद सिराजने (Mohammed Siraj) शनिवारी त्याच्या सेलिब्रेशन स्टाईलबद्दल खुलासा केला आहे. विकेट घेतल्यानंतर तो तोंडावर बोट ठेवून सेलिब्रेशन करताना दिसतो. सिराजच्या शानदार गोलंदाजीमुळे भारत दुसऱ्या कसोटीच्या पहिल्या डावात इंग्लंडला 391 धावांवर गुंडाळण्यात यशस्वी झाला.

इंग्लंडसाठी कर्णधार जो रूटच्या 180 धावसंख्येवर नाबाद राहिला. दिवसभराचा खेळ संपल्यानंतर त्याच्या सेलिब्रेशन स्टाईलबद्दल विचारले असता सिराज म्हणाला की तो हे आलोचना करणाऱ्यांसाठी करतो, जे त्याच्याबद्दल बरेच काही बोलतात. या लोकांना तो बॉलच्या साहय्याने उत्तर देतो असे सिरात म्हणाला.

सामन्यातील उत्कृष्ट गोलंदाजीबाबत सिराज म्हणाला, 'इंग्लंडमध्ये वेगवान गोलंदाजांची भूमिका महत्त्वाची असते. आम्ही अचूक टप्यावर सातत्याने गोलंदाजी करत होतो. मी रणजी ट्रॉफी खेळत असतानाही सातत्याने एकाच ठिकाणी गोलंदाजी करायचो. एकाच ठिकाणी सातत्याने गोलंदाजी करण्याचा प्रयत्न करणे ही माझी एकमेव योजना होती.

जॉनी बेअरस्टोला बाऊन्सर फेकण्यामागील कारण स्पष्ट करताना सिराज म्हणाला, "विकेटची इतकी मदत होत नव्हती म्हणून आम्ही बाऊन्सर वापरण्याची योजना आखली कारण नवीन चेंडू आठ षटकांनंतर घेतला गेला असता. त्यामुळे शॉर्ट बॉल टाकण्याची योजना आखली होती''. इंग्लंडने 27 धावांनी आघाडी घेतली आहे. आज भारतीय संघाचे फलंदाज मोठी धावसंख्या उभारण्यासाठी मैदानावर उतरेल. याबाबत सिराजने सांगितले सांगितले की खेळपट्टी फलंदाजीसाठी पुरक आहे.

Edited By: Pravin Dhamale