सीएसकेचा फलंदाज रचिन रवींद्रने लढाऊ खेळी खेळत मुंबई इंडियन्सला मात दिली. घरच्या मैदानात चेन्नईने मुंबईच्या संघाला पाणी पाजलं. मुंबई इंडियन्सच्या संघाने दिलेलं १५६ धावांचं आव्हान अखेरच्या षटकात चेन्नईने पार केलं.

चेन्नई सुपर किंग्सने आयपीएल 2025 ची सुरुवात विजयाने केली. चेपॉकमध्ये मुंबई इंडियन्सविरुद्ध शानदार विजय मिळवला. चेन्नईच्या संघाने मोसमातील पहिल्याच सामन्यात आपले वर्चस्व दाखवलं. सीएसकेने आधी गोलंदाजी आणि नंतर शानदार फलंदाजीने मुंबई संघाचा दारूण पराभव केला. CSK कर्णधाराने नाणेफेक जिंकून प्रथम गोलंदाजी करण्याचा निर्णय घेतला. यानंतर चेन्नईच्या गोलंदाजांनी जबरदस्त गोलंदांजी करत एमआयला केवळ 155 धावांवर रोखले. तर चेन्नई संघाने हे लक्ष्य ५ चेंडू बाकी असताना सहज गाठले. याप्रकारे चेन्नईने गुणतालिकेत आपले खाते उघडले आहे.