Funny Cricket Video: आयपीएल २०२३ स्पर्धेतील अंतिम सामना चेन्नई सुपर किंग्ज आणि गुजरात टायटन्स या दोन्ही संघांमध्ये पार पडला. या सामन्यात चेन्नई सुपर किंग्ज संघाने जोरदार कामगिरी करत ५ गडी राखुन विजय मिळवला. यासह पाचव्यांदा जेतेपदाला गवसणी घातली आहे.

या विजयानंतर चेन्नईच्या फॅन्समध्ये एकच जल्लोष पाहायला मिळाला आहे. दरम्यान चेन्नईच्या विजयानंतर एका फॅनने अनोखं सेलिब्रेशन केलं आहे. ज्याचा व्हिडिओ सध्या सोशल मिडियावर जोरदार व्हायरल होत आहे.

अनोख्या सेलिब्रेशनचा व्हिडिओ व्हायरल...

या स्पर्धेतील अंतिम सामना हा या हंगामातील सर्वात रोमांचक सामना ठरला आहे. कारण शेवटच्या चेंडूवर चेन्नई सुपर किंग्ज संघाला विजय मिळवण्यासाठी ४ धावांची गरज होती.

त्यावेळी स्ट्राईकवर असलेल्या जडेजाने चौकार मारला आणि संघाला विजय मिळवुन दिला. मोहित शर्माने ज्याप्रकारे सुरूवातीचे ४ चेंडु टाकले होते, ते पाहुन असं वाटलंच नव्हतं की तो शेवटच्या चेंडूवर चौकार मारु देईल. मात्र जडेजाने धाडस केलं आणि चौकार मारला. (Latest sports updates)

शेवटच्या चेंडूवर जडेजा काय करतो यावर सर्वांच लक्ष लागुन होतं. जडेजाने चौकार मारला आणि स्टेडिअममध्ये फॅन्स एकच जल्लोष साजरा करु लागु लागले. त्यावेळी एका फॅनने चेन्नई सुपर किंग्ज संघ जिंकला म्हणुन चक्क दरवाजा तोड सेलिब्रेशन केलं आहे. या सामन्यानंतर एक व्हिडिओ जोरदार व्हायरल होऊ लागला आहे.

व्हायरल होत असलेल्या व्हिडिओमध्ये तुम्ही पाहु शकता की, एक फॅन घरी आपल्या मोबाईलवर लाईव्ह सामना पाहतोय. जडेजा शेवटच्या चेंडूवर चौकार मारताच हा फॅन जोरजोराने ओरडू लागतो. तसेच घरातील खिडक्या आणि दरवाजे आपटू लागतो. हा व्हिडिओ सोशल मिडियावर अपलोड होताच जोरदार व्हायरल होऊ लागला आहे.