अंडर १९ वर्ल्डकपमध्ये सेमीफायनल सामन्यात बीडचा भूमिपूत्र सचिन धस चांगलाच चमकला आहे. सचिनच्या खेळीच्या जोरावर युवा टीम इंडियाने अंडर 19 वर्ल्डकप फायनलमध्ये प्रवेश केला आहे. सेमीफायनलमधील विजयानंतर बीडमध्ये सचिनच्या कुटुंबात आनंदात उत्सव साजरा केला गेला आहे. या विजयानंतर सचिनने अंडर 19 वर्ल्डकप भारताला जिंकून द्यावा, अशी बोलकी प्रतिक्रिया त्याच्या आई-वडिलांनी दिली आहे. (Latest marathi News)
बीडच्या मातीतला मराठमोळा खेळाडू सचिन धसची सेमीफायनलमधील ९६ धावांची खेळी संघाला विजय मिळवून देण्यात मोलाची ठरली. त्याचा जोडीदार कर्णधार उदयने ८१ धावा कुटल्या. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
दोघांच्या १७१ धावांच्या खेळीने युवा टीम इंडियाने स्पर्धेच्या अंतिम सामन्यात प्रवेश केला. युवा टीम इंडियाच्या विजयानंतर बीडच्या सचिन धसच्या घरी जोरदार सेलिब्रेशन करण्यात आलं. सचिनच्या मित्रमंडळींनी त्याच्या आई-वडिलांना पेढे भरवले.
बीड सारख्या ग्रामीण भागातून अंडर १९ वर्ल्डकपमध्ये सचिन धसची निवड झाली आहे. अंडर 19 वर्ल्डकपमध्ये सचिनने आतापर्यंत उत्तम खेळी केली आहे. त्यामुळे आता वर्ल्डकपच्या फायनलमध्येही त्याने चांगला खेळ खेळावा. अंडर 19 वर्ल्डकप भारताला जिंकून द्यावा आणि सचिन तसं करेल, असा विश्वास त्याच्या आई-वडिलांनी व्यक्त केला आहे.
दरम्यान, सचिन धसची आई ही महाराष्ट्र पोलीस दलात सहायक पोलीस निरीक्षक पदावर कार्यरत आहे. तसेच त्या माजी कबड्डीपडू देखील आहेत. तसेच सचिनची बहीण ही पुण्यात स्पर्धा परिक्षांची तयारी करत आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.