Andre Russell 6 Balls 6 Sixes : वेस्ट इंडिजचा विस्फोटक फलंदाज आंद्रे रसेल याने पुन्हा एकदा क्रिकेटचं मैदान गाजवलं. रसेलने 6IXTY स्पर्धेतील एका सामन्यादरम्यान चौकार आणि षटकारांचा पाऊस पाडला. इतकंच नाही तर, त्याने सलग ६ चेंडूत ६ षटकारही लगावले. हा सामना त्रिनबागो नाइट रायडर्स विरुद्ध सेंट किट्स अँड नेव्हिस पॅट्रियट्स यांच्यात खेळला गेला.

रसेलने त्रिनबागो नाइट रायडर्सकडून खेळताना, सेंट किट्स अँड नेव्हिस पॅट्रियट्सविरुद्ध ७२ धावांची तुफानी खेळी केली. या खेळीत त्याने ५ चौकार आणि ८ गगनचुंबी षटकार खेचले. फलंदाजी दरम्यान रसेलने प्रतिस्पर्धी गोलंदाजांची हवा काढून टाकली. रसेलनेही सलग सहा चेंडूंत सहा षटकार ठोकत त्याने भीमपराक्रही केला.

परंतु हे सर्व षटकार रसेलच्या बॅटमधून एकाच षटकात आले नाहीत. खरं तर रसेलने प्रथम डॉमिनिक ड्रेक्सविरुद्ध शेवटच्या चार चेंडूंवर चार षटकार मारले आणि त्यानंतर पुढच्याच षटकात जॉन रस जग्सरने पहिल्या दोन चेंडूंमध्ये दोन उत्तुंग षटकार मारून हा पराक्रम पूर्ण केला. रसेलच्या खेळीच्या जोरावर त्रिनबागो नाईट रायडर्स संघाने १० षटकांत १५५ धावा केल्या.