IND VS AUS 4th test Alex carey: बॉर्डर गावसकर ट्रॉफीतील पहिल्या २ सामन्यांमध्ये भारतीय संघाने जोरदार कामगिरी करत विजय मिळवला होता. तर तिसऱ्या कसोटी सामन्यात ऑस्ट्रेलिया संघाने जोरदार कमबॅक करत ९ गडी राखून विजय मिळवला होता.

सध्या या मालिकेत भारतीय संघ २-१ ने आघाडीवर आहे. मात्र अंतिम सामना जिंकून ऑस्ट्रेलिया संघाला ही मालिका बरोबरीत आणण्याची संधी असणार आहे.

या सामन्यापूर्वी ऑस्ट्रेलिया संघातील खेळाडूने भारतीय संघाला ओपन चॅलेंज दिले आहे. (Latest sports updates)

ऑस्ट्रेलिया संघातील यष्टीरक्षक फलंदाज ॲलेक्स कॅरीने भारतीय संघाला बजावून सांगितलं आहे की, आम्ही अंतिम कसोटीत पूर्ण तयारीसह मैदानात उतरणार आहे. पत्रकार परिषदेत त्याने स्पष्ट केले आहे की, ऑस्ट्रलियाचे खेळाडू डिफेंसिव खेळ करण्यासाठी मैदानात उतरणार आहे.

आपल्या फलंदाजीबाबत केला मोठा खुलासा..

ॲलेक्स कॅरीने आपल्या फलंदाजीबाबत खुलासा करत म्हटले की,'मी माझा नैसर्गिक खेळ करणार आहे. पहिल्या कसोटी सामन्यात माझा आत्मविश्वास खालावलेला होता. तर दुसऱ्या कसोटीत मी डिफेंसिव शॉट खेळण्याच्या नादात बाद झालो. मी आता स्वीप शॉटचा देखील वापर करणार आहे.' या मालिकेत ॲलेक्स कॅरीला मोठी खेळी करता आली नाहीये. ३६ धावा ही त्याची सर्वोत्तम खेळी आहे.

दोन्ही संघांसाठी अतिशय महत्वाचा सामना..

हा सामना दोन्ही संघांसाठी अतिशय महत्वाचा असणार आहे. कारण हा सामना जिंकून भारतीय संघाला वर्ल्ड टेस्ट चॅम्पियनशिप स्पर्धेच्या अंतिम फेरीत जाण्याची संधी असणार आहे. तर दुसरीकडे ऑस्ट्रेलिया संघाला ही मालिका बरोबरीत आणण्याची संधी असणार आहे.

ऑस्ट्रेलिया संघाने तिसरा कसोटी सामना जिंकून वर्ल्ड टेस्ट चॅम्पियनशिप स्पर्धेच्या अंतिम फेरीत प्रवेश केला आहे.