कानपुर : वरिष्ठ गटाच्या राष्ट्रीय बुद्धिबळ अजिंक्यपद (senior national chess championship) स्पर्धेत तेलंगणाच्या अर्जुन एरिगैसीने (Arjun Erigaisi) निर्विवाद वर्चस्व सिद्ध करीत प्रथम क्रमांकाचे सहा लाखांचे पारिताेषिक पटकाविले. या स्पर्धेत ११ व्या फेरीत अर्जुनने ८.५ गुण मिळवित हे यश संपादन केले. दरम्यान नागपूरच्या (Nagpur) १६ वर्षीय दिव्या देशमखुने (Divya Deshmukh) या स्पर्धेत आठ गुण मिळवून महिला गटात विजेतेपद पटकाविले आहे. (Arjun Erigaisi and Divya Deshmukh becomes the 2022 Indian National Chess Champion)

महिला गटात दिव्याने बुधवारी तिच्या पहिल्या MPL राष्ट्रीय महिला बुद्धिबळ (chess) विजेतेपदावर सौम्या स्वामिनाथनसोबत १८ चालींचा खेळ करीत शिक्कामाेर्तब केला. १६ वर्षीय दिव्याने नऊ फेऱ्यांच्या स्पर्धेत तिच्या आठव्या मानांकनावर खेळ केला आठ गुण मिळवले. तिने पाच लाख ५० हजारांचे पारिताेषिक पटकावले.

दरम्यान पुरुष गटात देशातील सर्वात तरुण ग्रँडमास्टर असलेल्या गुकेशने (D. Gukesh) अर्जुनच्या आठ गुणांची बरोबरी करण्यासाठी रुक-अँड-पॉन एंडगेममध्ये ६४ चालांनी संघर्षपूर्ण विजय मिळवला हाेता. त्यापुर्वी अर्जुनने ग्रँडमास्टर पी. इनियान सोबत ४१ चालींमध्ये सामना ड्रॉ केला.

या स्पर्धेत दहाव्या फेरीत गुकेश आणि एरिगैसी यांच्याकडे अर्ध्या गुणांची आघाडी आहे. १८ वर्षीय अर्जुनने आणि १६ वर्षीय दिव्याने मिळविलेल्या यशाबद्दल त्यांचे क्रीडा (sports) क्षेत्रात काैतुक हाेत आहे.

Edited By : Siddharth Latkar