मुंबई : पंचागानुसार प्रत्येक महिन्यात दोन पक्ष असतात. शुक्ल पक्ष आणि कृष्ण पक्ष. त्यात शुक्ल पक्षाची एकादशी व कृष्ण पक्षाची एकादशी अशा दोन एकादशी प्रत्येक महिन्याला येत असते.

हे देखील पहा -

आषाढ महिन्यात येणाऱ्या कृष्ण पक्षातल्या एकादशीला योगिनी एकादशी म्हणून ओळखले जाते. ही एकादशी यंदा शुक्रवारी म्हणजे २४ जून या दिवशी येत आहे. यादिवशी भगवान विष्णूची विधीवत पूजा केली जाते व उपवासही केला जातो. ही एकादशी २३ जून गुरुवारी रात्री ९ वाजून ४१ मिनिटापासून सुरु होत असून २४ जूनला रात्री ११.१२ मिनिटांनी समाप्त होणार आहे. २४ जूनला सर्वार्थ सिध्दि योग व सुकर्मा योग बनत आहे. हे दोन्ही योग शुभ कार्य करण्यासाठी उत्तम आहे.

योगिनी एकादशीचा उपवास करताना या चुका टाळा

१. आपण जर या एकादशीचा उपवास करत असू तर त्या व्यक्तीने कुकर्म व असत्य असणाऱ्या गोष्टींपासून दूर राहावे. ह्या एकादशीचा उपवास केल्याने आपल्याला वाईट कर्मापासून मुक्ती मिळू शकते.

२. एकादशीचा उपवास केल्याने मोक्ष प्राप्त होतो परंतु, त्यात आपण करणाऱ्या कर्मावर साऱ्या गोष्टी अवलंबून असतात. तसेच हे व्रत केल्याने भगवान विष्णूची आपल्यावर कृपा राहाते

३. या एकादशीचे व्रत करण्याऱ्या व्यक्तीने लसूण, कांदा (Onion), मांस, मद्यपान, धुम्रपान इत्यादींचे सेवन करु नये.

४. या दिवशी केस (Hair) धुतल्याने किंवा केसांना तेलांचा वापर केल्याने धनाची हानी होते.

५. तसेच या दिवशी वाईट बोलू नये. कोणाबद्दलही द्वेष किंवा द्वेषाची भावना मनात ठेवू नका. व्रत करताना मन आणि कर्म शुद्ध असणे आवश्यक आहे.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.

Edited By - Komal Damudre