Navaratri 2022 : यावर्षी नवरात्री २६ सप्टेंबर ते ४ ऑक्टोबर पर्यंत आहे आणि दसरा ५ ऑक्टोबर रोजी साजरा केला जाईल. अशा परिस्थितीत, नवरात्रीच्या पवित्र दिवसांमध्ये, आपल्या कुटुंबासह देवी दुर्गेच्या प्रसिद्ध मंदिरांना भेट देऊ शकतो. जिथे देशाच्या कानाकोपऱ्यातून भाविक येतात. या मंदिरांना भेट देऊन आशीर्वाद घेऊ शकता. चला जाणून घेऊया या मंदिरांबद्दल.

वैष्णो देवी मंदिर

या नवरात्रीला तुम्ही तुमच्या कुटुंबासह माँ वैष्णो देवी मंदिराला भेट देऊ शकता. वैष्णोदेवी मंदिरात दर्शनासाठी देशाच्या कानाकोपऱ्यातून भाविक येतात. हे मंदिर त्रिकुटा टेकड्यांमध्ये समुद्रसपाटीपासून १५ हजार मीटरपेक्षा जास्त उंचीवर आहे. जम्मू-काश्मीरमधील कटरा येथे असलेले वैष्णोदेवी मंदिर सुमारे ७०० वर्षांपूर्वी ब्राह्मण पुजारी पंडित श्रीधर यांनी बांधले होते. हे मंदिर कटरा पासून १२ किलोमीटर अंतरावर आहे. दरवर्षी लाखो भाविक येथे दर्शनासाठी येतात.

माता वैष्णोदेवी मंदिरात येणाऱ्या भाविकांना आता RFID ची सुविधा मिळाली आहे. त्यामुळे भाविक माता वैष्णोदेवी श्राइन बोर्डाच्या नजरेत सदैव असतील. त्यामुळे कोणत्याही आपत्तीच्या वेळी प्रवाशांना शोधणे कठीण होणार नाही. यापूर्वी मातेच्या दर्शनासाठी जाणाऱ्या प्रवाशांना स्लिप देण्यात आल्या होत्या. पण आता रेडिओ फ्रिक्वेन्सी आयडेंटिफिकेशन (RFID) कार्डची व्यवस्था करण्यात आली आहे.

मनसा देवी आणि नैना देवी

या नवरात्रीला मनसा देवी आणि नैना देवी मंदिराला भेट देऊ शकता. ही दोन्ही प्रसिद्ध मंदिरे उत्तराखंडमध्ये आहेत. देशाच्या (World) कानाकोपऱ्यातून भाविक मनसादेवी मंदिरात दर्शनासाठी येतात आणि येथे प्रार्थना करतात. नवरात्रीच्या काळात येथे विशेष कार्यक्रमाचे आयोजन केले जाते. हे मंदिर हरिद्वारमध्ये आहे. नैना देवी मंदिर नैनिताल येथे आहे आणि हे प्रसिद्ध मंदिर (Temple) देशाच्या कानाकोपऱ्यातून भाविकांना आकर्षित करते. हे मंदिर ५१ शक्तीपीठांपैकी एक मानले जाते. या नवरात्रीला नैना देवीचे दर्शन घेऊ शकता.